Hvernig hljómar sá rökstuðningur

að Einar K. Guðfinnsson hafi yfir höfuð eitthvað að gera sem sjávarútvegs og landbúnaðarráðherra? Það hefur engu breytt þótt lagt sé fyrir þennan mann fagleg vinna og góður rökstuðningur. Og er ég að vitna í til dæmis hvernig menn hafa lagt fyrir faglega vinnu og góðan rökstuðning á villum Hafró, það hefur verið bent á farsæla lausn fyrir smábátana út úr kvótakerfis brjálæðinu.

Á ekkert er hlustað, frekar er farin sú leið að rakka menn niður og telja þá hættulega umhverfinu. Þótt staðreyndirnar blasi við og hlutirnir hríðversni er ekkert gert, haldið skal áfram á braut glötunar og faglega unnin og vel rökstudd mál eru meðhöndluð sem um landráð væri.

Það snýr að Einari K. Guðfinnssyni að rökstyðja það fyrir þjóðinni hvað hann telji sig hafa að gera í þessari vinnu, ræðan mætti byrja á loforðunum og síðan mætti hann rökstyðja árangurinn og efndirnar.

Góðar stundir. 

Einar: Órökstuddar fullyrðingar

Athugasemdir

[Jóhann Elíasson, 13.5.2008 kl. 21:23]

Ég veit ekki til þess að hann hafi alltaf rökstudd bullið í sér, honum finnst hann kannski ekki þurfa þess eða það sem verra er hann getur það ekki.

[Víðir Benediktsson, 13.5.2008 kl. 21:53]

Einar er öndvegis lundaveiðimaður, með og án veiðikorts, það verður ekki frá honum tekið.