Nú hvað er í gangi þarna?

Ég sem hélt að það væri allt í þessu flotta lagi hjá þessu Glaumþingi. Það sögðu stjórnendurnir fyrir ekki svo margt löngu. Ef mig minnir rétt sögðu þeir einnig að þeir kæmu ekki til með að þurfa að afskrifa undirmálslán, það væri bara algjör fyrra að halda slíku fram. Fljótt skiptast veður í lofti og á það greinilega við þarna líka sjá hér. Greiningadeildin hefur klikkað eitthvað lítillega, sem að sögn kunnugra er býsna algengt þessa dagana.

Sissener stefnir Kaupþingi

Athugasemdir

[Hafsteinn Viðar Ásgeirsson, 4.5.2008 kl. 08:33]

Mér er nær að halda að þessir gæjar segi aldrei satt orð öðruvísi en óviljandi. Það mundi sannarlega hæfa skel kjafti ef þessi lygavöndull færi saman með Spron, hvar stórir hópar fólks eiga nú um sárt að binda vegna hálfsannleiks og lyga stjórnendanna.

[Jóhann Elíasson, 4.5.2008 kl. 09:37]

Þeir eru þó nokkrir sem eru á góðum launum við að ljúga og eru svo reknir þegar þeir segja satt (það sést á því að þeir roðna þegar þeir segja satt).  En svo er það önnur saga að Norðmenn hætta ekki að vera til vandræða fyrir okkur Íslendinga, því allstaðar þar sem Norðmenn hafa komið að málefnum Íslands hafa orðið vandræði sbr. Smugan, Síldarsmugan, Svalbarðasvæðið og Jan Mayen svona mætti lengi telja listinn er óendanlegur.  Norðmenn og Íslendingar virðast blandast álíka vel og olía og vatn.