Hinn nýi atvinnuvegur þjóðarinnar

fjármálamarkaðurinn sem á að redda þjóðfélaginu í gegnum niðurskurðinn á þorskaflanum stendur í blóma, eða hvað? Hagsæld, stöðugleiki, kaupmáttaraukning, lítið atvinuleysi, góð og ábyrg efnahagsstjórn, svo ekki sé nú talað um frábæra stöðu ríkissjóðs sem eru einkunnarorð ríkisstjórnarinnar hljóma frekar kjánalega og hafa reyndar gert frá upphafi.

Húsnæðismarkaðurinn helfrosin, útgerð og vinnsla að sigla meira og minna í strand, fjármálamarkaðurinn sem öskustó, gengið í frjálsu flugi, verðbólgan aldrei hærri, fjárlögin handónýt, kjarasamningar brostnir, upplausn hjá ríkisstarfsmönnum, fjöldauppsagnir nánast að verða daglegt brauð og hamingjusamir ráðherrar á einkaþotum. Er ekki Ísland dásamlegt?

Hlutabréf lækkuðu í verði

Athugasemdir

[Jóhann Elíasson, 29.4.2008 kl. 17:19]

Jú, jú allt í lukkunnar velstandi.  Ráðherrarnir okkar, sem öllu redda og eru með lausnir á öllu, hljóta að vera á einhverjum sterkum lyfjum, en ég spyr:  AF HVERJU FÁUM VIÐ ENGIN LYF, sem þurfum að þola öll þessi ósköp?

[Hallgrímur Guðmundsson, 29.4.2008 kl. 17:22]

Eins og þú sérð Jói minn þá hafa sumir þeirra ekki fengið nein lyf, einungis nýjar tennur...

[Hafsteinn Viðar Ásgeirsson, 29.4.2008 kl. 19:05]

Það verður gaman að fylgjast með hvað menn ætla að hafa sér til dundurs við sjávarsíðuna síðustu svona þrjá mánuði fiskveiðiársins. Það verður einhversstaðar þröngt í búi trúi ég, og ekki fer liðið í byggingarvinnu...?

[Sigmar Þór Sveinbjörnsson, 30.4.2008 kl. 00:08]

Skemmtilegur pistill og góð mynd af ráðherranum, verst að það sét ekki hver hann er? Veist þú hver þetta er Halli minn ?

kær kveðja

[Hallgrímur Guðmundsson, 30.4.2008 kl. 00:16]

Takk fyrir það félagi. Mér var sagt að þetta væri Nojarinn á leið í vorhreinsun.... Sel það ekki dýrara en ég keypti....