Tímamótabreyting!

Ég hélt í alvöru að ég væri að fara að lesa frétt þess efnis að kvótakerfið yrði lagt niður og þar með áliti mannréttindanefndar Sameinuðu þjóðanna svarað. Nei ekki var það nú svo gott að satt reyndist, heldur er ráðherra lagstur í helför gegn bændum. Mikill er máttur íhaldsins sem ekki aðeins viðheldur mannréttindabrotum og þrælahaldi á sjómönnum, nú skulu bændur teknir í afturendann og það duglega. 

Í fréttinni segir meðal annars "Einar sagði að samkvæmt væntanlegri matvælalöggjöf, sem væri „stærsta málið“ sem koma myndi frá sínu ráðuneyti á þessu þingi"

Þá vitum við það, álit mannréttindanefndar Sameinuðu Þjóðanna er að mati ráðherra ekkert stórmál. Það er ágætt að fá hreint út hvernig ráðherra lítur á ákúrur um mannréttindabrot, þá sjaldan hann svari hreinskilningslega, að mínu mati gerði hann það þarna.   

Landbúnaðarráðherra boðar tímamótabreytingu

Athugasemdir

[Jóhann Kristjánsson, 5.4.2008 kl. 15:24]

Ég var reyndar að heyra það að á fundi í morgun hefði Einar sagt að það ætti að gera kvótakerfið opnara. Niðurstaðan er semsagt þessi. = Það á að útfæra mannréttindabrotin á annann máta svo þau séu ekki ólögleg heldur á gráu svæði.

[Atli Hermannsson., 5.4.2008 kl. 22:50]

Það er að sögn verið að vinna að því að hrækja í sprungurnar í ráðuneytinu. Það er að segja í sprungurnar á fiskveiðikerfinu, svo sérútvaldir geti áfram haldið að vinna sér inn gálgafrest. Við sem höfum haft það fyrir sið að hrækja á kerfið í heild sinni verða beðnir um að kyngja hrákunni og sjá okkur um hönd. En tillögurnar verða örugglega ekki á vetur setjandi  og örugglega heldur ekki til þess hugsaðar af ráðuneytinu... í von um að það sé svo af mönnum dregið að enginn hafi lengur þrek til að kæra stjórnvöld fyrir óréttlátt kvótakerfið í fjórða sinn - eða verður það þá í fimmta skiptið sem það gerist... en það má lengi safna í einn hráka.

[Hallgrímur Guðmundsson, 5.4.2008 kl. 23:08]

Við sendu þennan hráka til baka í einni stórri slummu þannig að vel finnist fyrir honum. Ekki dettur mér neitt annað í hug en hrákasmíðin sem er verið að semja í leyni upp í ráðaneyti verði með nokkru móti vitlegur. Ég heyrði af því að verði væri að koma einhverju saman sem þeir vonuðust til að fá ekki beint í hausinn aftur, sel það ekki dýrara en ég keypti.

[Ólafur Tryggvason, 6.4.2008 kl. 11:30]

Helvíti eruð þið hvassir - HEHE - ég veit ekki alveg hvort þessi bardagi ykkar um að leggja kvótakerfið niður sé eitthvað sem muni verða til góða, ég á enn eftir að sjá hvaða betra kerfi ætti að koma í staðinn.

Eitt mál er það tengt sjávarútvegi sem skil ekki af hverju fer svo fljótt og það er einokun útgerðafyrirtækja sem bæði reka veiðar og vinnslu en þau fyrirtæki hafa ákaflega sterka stöðu gagnvart þeim fiskvinnslu húsum sem treysta algjörlega á hráefnisöflun á markaði, ALLAN FISK Á MARKAÐ OG ÞAÐ STRAX, það er að mínu mati áríðandi réttlætismál.

[Hafsteinn Viðar Ásgeirsson, 6.4.2008 kl. 12:27]

Laukrétt King. Þessu er ég búinn að vera að berja á síðan fyrir ´90. Á þeim árum meira að segja var ég að flyta fisk beint á markað erlendis, en sá bara ekki að þetta gæti gengið fram með þessum hætti. Að afhenda mönnum bæði veiðiréttinn og vinnsluréttinn er algerlega galið og ég er í rauninni alveg rasandi bit á hvað menn, sem engan kvóta hafa til að láta fiska fyrir sig fyrir ekki neitt, komast áfram. Ótrúleg aðlögunarhæfni og segir okkur hvað það er í raun mikill kraftur í þessari grein, þrátt fyrir misréttið og skepnuskapinn.

En það er erfitt að safna liði gegn ofríki LÍÚ klíkunnar, þar sem menn funda á sama tíma um vinnslu og veiðar.

[Hallgrímur Guðmundsson, 6.4.2008 kl. 14:40]

Sæll KING það er búið að leggja fram tillögur að betra krókakerfi þar sem ekkert brask og rugl getur átt sér stað og allur fiskur fer á markað.