Hvoru megin liggur vandamálið?

Frétt á vísir.is 

Magnús fer vegna samskiptaörðugleika.

Guðlaugur Þ. Þórðarson heilbrigðisráðherra.

Horfa á myndskeið með frétt

 

Samstarfsörðugleikar hafa verið á milli Magnúsar Péturssonar, fráfarandi forstjóra Landspítalans, og Guðlaugs Þórs Þórðarsonar heilbrigðisráðherra, samkvæmt heimildum Vísis.

Lýsa þessir samstarfsörðugleikar sér helst í því að ráðherra hefur hundsað öll samskipti við Magnús frá því að sá fyrrnefndi tók við embætti síðastliðið vor. Eins og fréttastofa Stöðvar 2 greindi frá í kvöld lætur Magnús ekki af störfum að eigin ósk.

Magnús hefur hvorki viljað tjá sig um uppsögn sína við Vísi né Stöð 2 í dag og vísað á ráðherra. Ekki hefur náðst í ráðherra í dag.

Í fréttatilkynningu frá heilbrigðisráðuneytinu segir að það hafi verið ákvörðun Magnúsar að láta af störfum og sú ákvörðun hafi verið tekin í samkomulagi við ráðherra.

Þarf að koma einhverjum vildarvini að, ég bara spyr?

Athugasemdir

[Hafsteinn Viðar Ásgeirsson, 14.3.2008 kl. 23:43]

Allt eftir bókinni Halli....

[Guðrún María Óskarsdóttir., 15.3.2008 kl. 00:20]

Sæll Hallgrímur.

Ef ég tók rétt eftir er Jóhannes M. Gunnarsson lækningaforstjóri einnig að fara í önnur verkefni, svo það er stór spurning hvað er nú í gangi.

kv.gmaria.

[Jóhann Elíasson, 15.3.2008 kl. 02:29]

Þessir tveir hafa sett sig á móti einkavæðingaráformunum, það er aldrei "hollt" að vera ekki "sammála" yfirmanninum.

[Hafsteinn Viðar Ásgeirsson, 15.3.2008 kl. 08:52]

Þetta er alveg klárt að mínu viti, ráðherrann getur ekki og vill ekki hafa við stjórn menn sem ekki fara eftir sama kompás og hann, alveg hægt að setja sig í þau spor. Það sem er hinsvegar svo undarlegt er , að hann neitar í sífellu öllum einkavæðingaráformum. Það er einhvernveginn aldrei hægt að koma hreint fram, einkavæðing eða einkavinavæðing, bara að allir viti raunverulega stefnu.

[Grétar Rögnvarsson, 15.3.2008 kl. 14:47]

Auðvitað þarf að koma einhverjum vildarvini að Halli. Og annað, við förum víst ekki saman til Moskvu það er nokkuð ljóst.

[Hallgrímur Guðmundsson, 15.3.2008 kl. 20:54]

Ekki veit ég hvað er í gangi þarna, en eitthvað finnst mér þetta lykta einkennilega. Grétar þetta var ferlegt að fá þetta svona. Við skulum bara vona að leikurinn verði hin mesta skemmtun og það liðið sem betur spilar vinni. Ég sem var farinn að leita mér að kósakkahúfum fyrir okkur. Ég bara spyr hvernig var hægt að gera okkur þetta?

[Hallgrímur Guðmundsson, 15.3.2008 kl. 21:01]

Ps. Síðustu dagar hef ég verið ótrúlega upptekinn, fundir, allskonar reddingar og síðan undirbúningur fyrir ferminguna á eldri stjúpdóttir minni, sem svo var fermd í dag. Næstu dagar verða svipaðir,fundir og aftur fundir ásamt ýmsu öðru sem við kemur Framtíð. Þannig að það er viðbúið að viðvera mín í bloggheimum verði takmörkuð næstu daga, en þó er aldrei að vita það verður kannski hraunað yfir einhvern ef tími gefst.

[Hallgrímur Óli Helgason, 15.3.2008 kl. 21:36]

Kannske Inga Jóna verði næsti forstjóri?

[Anna Ólafsdóttir Björnsson, 15.3.2008 kl. 21:41]

Hamingjuóskir með stjúpdótturina! Og ég held að flestar þær skýringar sem fram hafa komið um Magnús og Jóhannes séu réttar, spurningin þín um hverjum eigi að koma að er síðan spennandi.

[Hallgrímur Guðmundsson, 15.3.2008 kl. 21:55]

Takk fyrir það Anna. Ég er sammála þér það verður spennandi að sjá hver tekur við djobbinu.

[Jóhann Elíasson, 15.3.2008 kl. 23:51]

Til hamingju með stjúpdótturina Halli!

[Hallgrímur Guðmundsson, 16.3.2008 kl. 00:05]

Takk Jói, þetta var frábær dagur.