Einar K fær boðskapinn á kaf í rassgatið.

Frétt í mogganum í dag 8.2.2008

Íslenskur þorskur ekki í útrýmingarhættu

"EINAR K. Guðfinnsson sjávarútvegsráðherra ætlar að senda sænskum stjórnvöldum bréf til að vekja athygli á því sem hann kallar óhróður samtakanna World Wide Fund for Nature, en þau hafa sagt þorsk vera í útrýmingarhættu.

EINAR K. Guðfinnsson sjávarútvegsráðherra ætlar að senda sænskum stjórnvöldum bréf til að vekja athygli á því sem hann kallar óhróður samtakanna World Wide Fund for Nature, en þau hafa sagt þorsk vera í útrýmingarhættu. Þetta kom fram í svari Einars við fyrirspurn Gunnars Svavarssonar, þingmanns Samfylkingar, á Alþingi í gær en Einar sagði jafnframt að það væri vaxandi þáttur í starfsemiráðuneytisins að sinna svona málum.

Gunnar vakti athygli á skaðsemi þess fyrir markaðssetningu á íslenskum fiski að því væri haldið að neytendum að þeir ættu ekki að kaupa þorsk þar sem hann væri í útrýmingarhættu. „Undir þetta hefur verið tekið á beinan og óbeinan hátt,“ sagði Gunnar og lagði áherslu á markvissa vinnu við að styrkja þá ímynd sem íslenskur fiskur hefur haft og skilgreina Íslandsmiðin þannig að síður væri hætta á að fiskistofnar landsins yrðu settir undir sama hatt og fiskstofnar sem eru í verulegri hættu" Tilvitnun líkur.

Heitir þetta ekki að fá boðskapinn til baka og á bólakaf upp í rassgatið?

Hvað boðuðu þeir félaga Einar K og Jóhann Sigurjónsson í Evróputúrnum sínum síðastliðið sumar, þegar þeir æddu um allt til þess að rökstyðja niðurskurðinn á þorskstofninum? Hrun stofnsins og ekkert annað ef ég man rétt.

Hefði ekki verið nær fyrir félagana tvo að viðurkenna einfaldlega vanmátt kvótakerfisins og taka þyrfti upp aðra stefnu? Verndarstefnan og eilífur niðurskurður er að mati Hafró ekki að gera sig, eftir hverju er verið að bíða? Tilraunin hefur staðið yfir í 25 ár og niðurstaðan er neikvæð svo vægt sé til orða tekið. Það er ábyrgðarhluti að halda svona áfram ekki satt? 

 

 

Athugasemdir

[Jóhann Elíasson, 9.2.2008 kl. 11:01]

Þetta kalla ég að Sjávarútvegsráðherra viti ekki hvort hann er að koma eða fara, sumir myndu segja að hann hefði drul.... langt upp á bak og það væri skítalykt af þessu öllu saman hjá honum.

[Hallgrímur Guðmundsson, 9.2.2008 kl. 12:14]

Sammála Bjarni lélegri leikari er ekki til. Jói hver myndi segja svona? Væri ekki best að geyma karlinn í hrúgu að minkaskinnunum sem hann var að skoða í Danmörku í gær og gefa hann síðan með. Kannski ekki góð hugmynd það myndi líklega leiða til ævaranda verðfalls á þeim markaði. 

[Jóhann Elíasson, 9.2.2008 kl. 17:37]

Nei það er satt Halli það er ljótt að tala svona þakka þér fyrir að "reyna" að laga málfar mitt.  Þetta minnir mig á þegar ég byrjaði sem stýrimaður á Júní frá Hafnarfirði, skipstjóranum þótti ég "orðljótur" og sagði við mig í umvöndunartón:  "Jói, ekki bölva svona djöfull mikið-það er svo andskoti ljótt".

[Hallgrímur Guðmundsson, 9.2.2008 kl. 17:45]

Ég er með tillögu Jói, það ætti að taka karlinn of flengja hann svo duglega að hann yrði með skítabragð í kjaftinum í marga mánuði.

[Jóhann Elíasson, 9.2.2008 kl. 18:06]

Styð þessa tillögu heilshugar.

[Hafsteinn Viðar Ásgeirsson, 10.2.2008 kl. 03:39]

Jóhann, við verðum að nota grænsápu á kjaftinn á Halla, þá verður þetta fínt. Getur verið að Hörður vinur minn hafi verið sá sem "reyndi" af veikum mætti að laga málfar þitt....? (með núll árangri auðvitað, sem betur fer?)

[Jóhann Elíasson, 10.2.2008 kl. 09:55]

Jú rétt hjá þér Hafsteinn það var Hörður Guðjóns og fleiri þekki ég sem voru á Guðfinnu Steins hjá þér.

[Hafsteinn Viðar Ásgeirsson, 10.2.2008 kl. 11:40]

Það var honum líkt blessuðum, hann er nú ekki að orðlengja um hlutina og þaðan af síður að nota ljót orð. Hef ekki hitt hann núna allt of lengi svo ég veit ekki hvort orðaforðinn á þessu svið hefur eitthvað aukist, hann er jú búinn að vera með Óla "andskota" í nokkur ár. Já það kom margt góðra manna þar um borð....

[Jóhann Elíasson, 10.2.2008 kl. 12:12]

Mörg gullkornin komu frá Herði á þessum tíma og það var ansi margt sem ég lærði hjá honum á þessum tíma og þá ekki síst varðandi mannleg samskipti og flestum af þessum lærdómi kem ég til með að búa að það sem eftir er af þessu lífi.

[Hafsteinn Viðar Ásgeirsson, 10.2.2008 kl. 14:16]

Hann er mikill snillingur hann Hörður Ómar og það verða allir betri menn af að vera samskiptum við hann trúi ég.