Sjávarútvegsráðherra vill halda fiskvinnslu í landinu

Úr frétt á vísir.is "Einar K. Guðfinnsson, sjávarútvegsráðherra segir að leita verði leiða til að halda fiskvinnslu í landinu. Hann segir útflutningsálagið, sem afnumið var í september í fyrra, ekki hafa gert það gagn sem vonast var til.

Þann 1. september síðastliðinn féll úr gildi 10 prósenta álag sem greitt var vegna útflutnings á gámafiski frá Íslandsmiðum Álagið gerði það að verkum að aukalega dróst frá kvóta útgerða sem fluttu fiskinn óunninn úr landi. Starfsgreinasambandið og samtök fiskvinnslu án útgerðar hafa gagnrýnt að álagið hafi verið afnumið um svipað leiti og þorskkvótinn var skorinn niður. Fjöldi þeirra sem hefur misst vinnuna síðan kvótaskerðingin var ákveðin er 456 og um 120 til viðbótar búa við lokanir. Á sama tíma hefur útflutningur á óunnum fiski aukist."

Hvað rugl er þetta auðvitað virkaði þetta nákvæmlega eins og til stóð að það myndi gera? Maður fer að velta fyrir sér þroskastig hjá sjávarútvegsráðherra. Hér er síðan meira úr þessari frétt. 

"Þar vegur þyngst aukning á útflutningi óunninnar ýsu sem nemur 32 prósentum og þorsks um 13 prósent. útflutningur á karfa og steinbít dregst hins vegar saman"

Hvernig dettur Einari K það til í hug að þetta virki á annan hátt? Öll orð og framkvæmdir sem þessi maður afgreiðir eru til þess fallin að smyrja meira undir rassgatið á þeim sem ráðskast með aflaheimildir Íslendinga. Ef vilji væri fyrir hendi væri þessu breytt snarlega, en viljann vantar algjörlega.

Hefði ekki verið nær að auka álagið um að minnsta kosti helming, jafnvel upp í 50% ef raunverulegur áhugi væri fyrir því að halda vinnslu í landinu? 

Athugasemdir

[Jóhann Elíasson, 3.2.2008 kl. 16:36]

Ég ætti reyndar ekki að vera að skrifa athugasemd við þessa færslu því ég er þér svo fullkomlega sammála en ég verð að bæta því við að það er ekki hægt að ráða það af "gjörðum" eða aðgerðaleysi Sjávarútvegsráðherra, að hann vilji halda vinnslu sjávarfangs innanlands.

[Hallgrímur Guðmundsson, 4.2.2008 kl. 00:39]

Manni fer að skorta orð Jói minn þegar þessi gaur á hlut að máli. En spurningin fer að verða mjög stór, hvað á vitleysan að ganga langt áður en tekið verður í taumana?

[Guðrún Emilía Guðnadóttir, 4.2.2008 kl. 11:55]

Hef nú aldrei haft mikið álit á greind þessa manna,
hann er að mínu mati undirlægja,
og þær komast aldrei langt.
Það gerist ekkert róttækt, smá þarna og ditt þar,
engin algjör lausn á neinum málum.
drífið í aðgerðum eða þorir engin að taka skrefið,
eða hvað er að?

[Hafsteinn Viðar Ásgeirsson, 4.2.2008 kl. 12:03]

Þetta er reyndar ekki kannski alveg einfalt, það er nefnilega alveg ljóst að þetta álag var allan tímann viðskiptahindrun og stjórnvöldum var ekki stætt á því og raunar verður að telja aldeilis furðulegt hvað stjórnvöld komust lengi upp með ruglið.

Það eru hinsvegar til fullt af ráðum til að hægja á þessum útflutningi og þá væri fyrst ástæða til að nefna að fiskurinn færi aldrei óvigtaður úr landi, þessi ráðstöfun liggur svo í augum uppi og það er raunar mjög ósanngjarnt að vigtarrýrnun í flutningnum skuli ekki einusinni draga úr áhuganum.

En ef þessir menn væru nú í vinnunni þá hefði auðvitað verið búið að hugsa hvað kæmi í staðin fyrir þessa niðurfellingu á hömlum í útflutningi. Að sjálfsögðu á ekki að senda neitt út með þessum hætti, það á allt að vera búið að skipta um eiganda fyrir útflutning með því að selja hér á markaði. Enn einn lærdómurinn sem hægt væri að sækja til Færeyja.

[Hafsteinn Viðar Ásgeirsson, 4.2.2008 kl. 12:09]

Ég gleymdi honum Einari K. Skil bara hreynlega ekki hvernig hann virkar þarna, (eða virkar ekki) Það sem ég kannast við af honum og hans fólki á hann að hafa vit á þessum málum fyrir utan að vera allt sérstakir öðlingar til orðs og æðis, þannig að ég botna bara ekkert í hvað allt er á "rassgatinu" í ráðuneytinu???  

[Hallgrímur Guðmundsson, 4.2.2008 kl. 15:26]

Milla það er verið að stofna samtök sem hjóla í þessi mál. Stofnfundurinn átti að vera í gær en vegna ófærðar urðum við að fresta honum. Trúðu mér ég hef óbilandi trú á því að breytingar verða áður en langt um líður og er það hlutverk okkar að berjast fyrir því. Það er nóg af krafti og þor í mér til að berjast fyrir sjálfsögðum réttindum okkar sem eru fótumtroðin eins og málum er háttað í dag.

[Guðrún Emilía Guðnadóttir, 4.2.2008 kl. 17:19]

Ég veit að það vantar ekki kraftinn í ykkur Huld, en það vantar kraft í svo marga þegar á reynir, sumir þora aldrei að segja sína meiningu og standa við hana.
Enn við verðum að þora sama hvað það er.
Gangi ykkur vel í hinum nýu samtökum.

[Hallgrímur Guðmundsson, 4.2.2008 kl. 17:19]

Sæll Hafsteinn mikið rétt þetta eru viðskiptahömlur, af hverju er það ósamgjarnt að beita þeim þarna þegar ég og margir aðrir erum beittir böðulslegum hindrunum? Ef þetta er ekki samgjarnt þá er það krafa mín að hlutur minn og margra annarra verði lagaður í hvelli. Einfalt ekki satt. En auðvitað skal það vera eitthvað stórmál sem í sjálfum sér er ekkert tiltöku mál að leiðrétta. Síðan þetta atriði með Einar K. í hreinskilni þá langar mig að nota mitt  tungumál og öll þau lýsingarorð sem það hefur að geyma um þennan mann, en í lengstu lög reyni ég að sína stillingu...

[Hallgrímur Guðmundsson, 4.2.2008 kl. 17:26]

Takk fyrir það Milla, það er reyndar alveg satt sumir þora ekki að tjá sig, og vil ég kenna það við feimni frekar en hræðslu við verkefnið. Þetta er hlutur sem einkennir Íslendinga meðan fólkið er edrú, á öðru glasi og eftir það er staðan allt önnur því miður svo gáfulegt sem það nú er.