Engin loðna hefur fundist í tvær vikur.

Þrjú fiskiskip og eitt hafrannsóknaskip eru að leita að loðnu austur af landinu en engin afli hefur fengist í rúmar tvær vikur.

Togarasjómenn hafa heldur ekki séð neinar vísbendingar um loðnu, en í venjulegu árferði ætti veiðin að vera komin í fullan gang. Þar sem hafrannsóknaskipið hefur ekkert fundið, er ekki enn grundvöllur til að auka við upphafskvótann, sem er aðeins 120 þúsund tonn. Heimildir. Visir.is

Er í alvörunni ekki orðinn grundvöllur fyrir því að endurskoða loðnuveiðar við Ísland? Myndi vera gefinn út kvóti á bolfiskveiðar ef það fyndist enginn fiskur? Er ekki orðið nokkuð ljóst hvað della er í gangi, hefur enginn í alvöru neinar áhyggjur af þessu? Ég held að það sé orðin samfélasleg skylda allra þingmanna að krefjast þess að sjávarútvegsráðherra segi af sér. Maðurinn er ekki með sjálfum sér, lýgur blákalt í fjölmiðla um atvinnuástand sjávarbyggðanna. Hann harðneitar að horfa á líffræðilegar staðreyndir um ástand þorskstofnsins.

Sjávarútvegsráðherra styður beinlínis stórkostulega glæp gegn náttúrunni með því að leyfa flottrollsveiðar við loðnu og síldveiðar, styður alvarlegan glæp gegn náttúrunni með því að opna fyrir snurvoðarveiðum í fjörum, flóum og fjörðum landsins, opna öll hólf sem hægt er að opna, allt í þágu Líú prelátanna svo stunda megi stórkostulegt dráp á uppeldisstöðvum ýsunnar.

Það er komið nóg af þessu brjálæði, það fer að verða beinlínis ábyrgðarhluti að þessi maður gangi laus, ef þingheimur bregst ekki við og krefst afsagnar sjávarútvegsráðherra, er nokkuð ljóst að vegna almannaheilla verður almenningur að bregðast við og skella manninum í væntumþykju peysu og færa hann á viðeigandi stofnun áður en það er of seint. Þessi stefna sem verið er að framkvæma í sjávarútvegsmálum er glæpur gegn náttúrunni, brot á mannréttindum, aðför í sinni grófustu mynd að byggðum landsins, allt í þágu auðvaldsins og misvel gefinna manna sem villtust af leið, það er leið til baka og á hana hefur margoft verið bent.

Hvað varð um þessa ábyrgu stjórnun fiskveiða? Það er nokkuð ljóst að hún er einungis rituð orð á blaði sem flaggað er á tyllidögum. Gott fólk þetta kerfi er gjaldþrota og það sannast best á þeim fréttum sem við fáum nánast daglega um lokanir fiskvinnslu og uppsagnir á fólki. Ráðamönnun bregður vegna harkalegra aðgerða fiskvinnslu, þarf einhver að láta sér bregða? Niðurskurður á þorski er notaður sem afsökun, staðreyndin er sú að sjávarútvegurinn er svo skuldugur að hann stendur ekki með nokkru móti undir þessu.

Af hverju talar enginn um þá markaði sem búið er nánast að rústa erlendis með óraunhæfum kröfum um ofurverð á afurðum bæði ferskum, frosnum og saltfiskmörkuðum. Þessir markaðir eru farnir að snúa sér annað svo einfalt er það. Og hver skildi vera ástæðan fyrir þessu ofurverði sem krafist er, það skildi þó ekki vera brjálæðið sem er í gangi á leigumarkaði aflaheimilda, sölu aflaheimilda manna á milli og skuldsetning fiskvinnslunnar? Á þessu þarf að taka það ætti hverjum manni að vera ljóst sem opnar fyrir skilningarvitin.

Góðar stundir. 

Athugasemdir

[Jóhannes Ragnarsson, 30.1.2008 kl. 22:31]

Það versta við Einar K. Guðfinnsson er að hann hefur ekki vit á að segja af sér og því síður að skammast sín. En því miður á það við fleiri vesalinga sem tekið hafa að sér að verja kvótaglæpinn og loðnueyðinguna.

[Grétar Rögnvarsson, 31.1.2008 kl. 10:18]

Hallgrímur minn ætla ekki að tjá mig um loðnuna staks eða flottrollsveiðar, en allavega lítur þetta ekki vel út eins og staðan er í dag, og þetta með ráðherrann hann er náttrulega frekar hjákátlegur að verða í sínu starfi svo ekki sé meira sagt. En annars djöfulsins ótíð á þessu Halli. Púllarar í sárum hér um borð og vilja reka stjórann.

[Hallgrímur Guðmundsson, 31.1.2008 kl. 10:44]

Sælir strákar, nokkuð erum við sammála um ráðherrann og þar engan að undra það karlinn er kominn út fyrir það að geta talist vorkunnsamur. Auðvitað Grétar vonar maður að albesta með loðnuna, en skratti er samt staðan farin að líta illa út. Reyndar kom það fyrir eitt árið að loðnan fannst ekki fyrr en hún gaus allt í einu við Reykjanes, ég man ekkert hvað ár það var enda skiptir það svo sem ekki höfuðmáli. Minnstu ekki á það maður hvernig lætin í þessu ands...... veðri er. Ég er bara nokkuð ánægður með að Liverpool tapaði gærkvöldi, það verður kannski til þess að eitthvað gerist í klúbbnum, eins og staðan er í dag er hundleiðinlegt að horfa á þá spila. Hvort þurfi að reka stjórann eða ekki ætla ég ekki að tjá mig um, en það liggur alveg ljóst fyrir að eitthvað verða menn að gera. Ég fékk sendan link um daginn og get alltaf séð hvar skipin eru á netinu, gaman að sjá hvar þið og margir fleiri bæði Íslendinga og aðrar þjóðir eru á veiðum.