Jóhann Sigurjónsson í ruglinu!

Ég gerði þá ráð fyrir því að Jóhann væri farinn að átta sig á því að eilífur niðurskurður væri leiðin sem virkaði hreint ekki enda höfum við reynt það frá byrjun. En djö.... skjátlaðist mér þarna, auðvita á að skera niður það er aðferðin sem virkar að mati Jóhanns enda segir hann "Okkur er hollt að horfa til þess sem gerðist í Kanada á sínum tíma og þeirrar staðreyndar að þorskstofninn þar nær sér ekki á strik á ný. Miklar rannsóknir þar í landi beinast að því að skilja betur orsakasamhengið. Í ljósi þess að þorskstofninn við Ísland hefur verið að veikjast, lögðum við til verulegan niðurskurð á veiðiheimildum til að forðast sambærilegt slys. Við teljum að þannig nái stofninn einnig að vaxa á ný, það er að líkur verði á aukinni nýliðun"

Hvað er sameiginlegt með aðstæðunum við Nýfundnaland og við Ísland, er það ekki staðreynd að það er lítið sem ekkert sameiginlegt í náttúrulegu samhengi. Nokkra hluti eigum við að vísu sameiginlegt og það er þessi arfabrjálaða aðferð að reyna að svelta fiskinn til hlýðni og þykjast vera með ábyrga og árangursríka stjórnun á fiskveiðum, og beita endalausum blekkingum nánast hreinni lygi til að breiða yfir eigin skítverk. Það vita allir hvernig þessar aðferðir virkuðu við Nýfundnaland. Vinur minn Kristinn Pétursson bendir vel á þetta í færslu sinni um þessi mál sjá Hér. 

Hvenær skildi sá dagur koma að Jóhann og hans jáara hópur átti sig á því að þetta er sú arfavitlausasta aðferð sem hægt er að nota? Ég verð að viðurkenna það að mig skortir kurteisileg lýsingarorð yfir herlegheitin. Er í alvörunni þannig komið fyrir vísindunum að staðreyndirnar eru ekki til, einungis það sem stendur í bókum og það sem kemur út úr tölvulíkunum sem einhver rugludallurinn býr til.

Ég legg til að næsta togararall verið framkvæmt á þann hátt að skipstjórarnir ráði för, og ákveði hvar og hvenær veitt verði innan einhvers ákveðins tíma, svo sem innan eins mánaðar. Hver er hæfari í að meta það? Sama ætti einnig um með netarallið. Línurall ætti einnig að vera útfært á sama hátt. Hræddur er ég um að margir verði hissa þegar sannleikurinn kæmi í ljós, það er miklu meira af þorski í við Ísland en Hafró vil viðurkenna. Þetta á ekkert orðið skylt við vísindi, þetta er orðin einhverskonar valdabarátta milli raunheima og vísindanna sem geta ekki með nokkru móti viðurkennt vanmátt sinn gagnvart náttúrunni.

Síðan er annað stórmerkilegt þegar Hafró talar um þorskstofninn, hvaða þorskstofn er verið að tala um? Það er viðurkennt að stofnarnir eru nokkrir og sumir hverjir eru staðbundnir, hvaða bull er þetta sem Hafró er í, talað er í hringi og ábyrgðin á ruglinu er akkúrat engin. Það ætti að setja þessa gervivísindastofnun á árangurstengd laun og sjá svo hver útkoman yrði. Ef það fyrirkomulag væri í gangi sjá allir ( flestir ) hver laun þessara manna væri. Akkúrat engin alveg í samræmi við árangurinn sem er enginn. 

Góðar stundir. 

Getum náð þorskstofninum upp

Athugasemdir

[Hafsteinn Viðar Ásgeirsson, 27.1.2008 kl. 14:42]

Já þetta er stórkostlegt. Eins og Bjarni segir hér þá er verið að moka upp smáýsu hér með allri suðurströndinniog búið að opna allt uppí fjörugrjót fyrir snurvoðina. Búið að endurnýja bátana í Eyjum með skipum sem draga meira en skuttogararnir gerðu fyrir nokkrum árum og þessir nýju eru að berja á smáýsu allt inná 3 mílur. Það væri nú undarlegt, eða segði allavega talsvert um ýsustofninn, ef ekki kæmi aukin veiði útúr svona rányrkju????

[Hallgrímur Guðmundsson, 27.1.2008 kl. 14:59]

Sæll Bjarni, hversu brjálæðislega sem það kann að hljóma eru það klárar staðreyndir að Hafró er í þvílíkum vandræðum með sín mál, að öllu skal tjaldað til við yfirbreiðslu eigin vanmáttar gagnvart náttúrunni. Hvað segja spekingarnir þegar hvalastofnarnir fara að hrynja úr hor. Sem sagt búnir að éta upp loðnuna, átu og fiskistofnana, það er nú þegar farið að bera á þessum einkennum hjá hvalnum, um það verður ekki deilt. Hvalinn á að veiða, af hverju í andskotanum á ráðherra að vera með áhyggjur af markaðsmálum, það er ekki hans hlutverk? Ef það er hans hlutverk þá ætti hann núna strax að auka við þorskveiðar,  það er rétt að verða búið að rústa þeim mörkuðum með brjálæðislegri stefnu í þorskveiðum.

Þetta með ýsuna er svo stórbrotið að maður veit ekki alveg hvernig skal segja frá því. Ég var og er hlynntur því að lækka stærðarviðmiðunina á ýsu annars er henni bara hent í stórum stíl í sjóinn aftur, en að opna svona fjörurnar og öll hólf er glæpur gegn náttúrunni sem enginn á að komast upp með. Það má líkja þessu tvennu sama, útrýmingarstefnu við ýsuveiðar og hungurstefnunni við uppbyggingu þorskstofnsins. 

Hafsteinn ég er sammála þetta er þvílíkt brjálæði að samlíkingar eru ekki til um ruglið. 

[Hallgrímur Guðmundsson, 27.1.2008 kl. 16:41]

Þetta líst mér vel á Kristinn, og bjóðum Hafró að vera með áheyrnarfulltrúa á ráðstefnunni. Ég veit það Bjarni, það er öllu til tjaldað í aumri viðleitni við að fela ruglið sem er í gangi, gaman væri að vita hver pantaði þessa dellu.

[Hallgrímur Guðmundsson, 27.1.2008 kl. 18:15]

Að sjálfsögðu bjóðum við honum Kristinn, ég er með símanúmerin og tölvupóstfangið hjá kappanum. Það er ekkert launungarmál fyrir þá sem eru yfir höfuð að fylgjast með þessum málum, þá er verið að semja bréf (tölvupóst ) sem sent verður til hans og gaman verður að sjá hvaða svör og viðbrögð við fáum.