Lækkun á leigukvóta ólíkleg.

Þrátt fyrir að þróun fiskverðs á mörkuðum bæði hér heima og erlendis gefi fullt tilefni til lækkunar,eru hverfandi líkur á því að það gerist. Mjög ólíklegt verðu að teljast að sjómannaforustan, Líú og Landsamband smábátaeigenda beiti sér fyrir lækkun, þrátt fyrir þær staðreyndir að markaðsverð er oft á tíðum lægra en leiguverð.

Hvernig menn geta talið það eðlilega viðskiptahætti að handstýra leiguverði óháð sveiflum á raunverulegu markaðsverði er mér hulin ráðgáta. Þegar tekið er tillit til meðalverðs í föstum viðskiptum og á frjálsum markaði yfir 10 mán tímabili árið 2007 og verðið reiknað út frá arðsemi kemur í ljós að leiguverð og kaup á aflaheimildum til eignar er í óskiljanlegum hæðum. Eitthvað eru menn að fjarlægjast raunveruleikann gróflega þegar skoðað er hvernig hlutirnir ættu að vera miða við arðsemi veiða og meðalverðs. Sjá í þessu  skjal.

Athugasemdir

[Páll Guðmundur Ásgeirsson (IP-tala skráð) 18.1.2008 kl. 21:02]

Það þyrfti að setja þak á leiguverð, þetta er algjört bull eins og þetta er í dag.  Þetta er hagkvæmasti útgerðarmátinn í dag að leigja frá sér allan kvótann og gera ekki neitt sjálfur.

[Hallgrímur Guðmundsson, 19.1.2008 kl. 01:25]

Auðvitað er þetta stjarnfræðileg vitleysa sem er í gangi á þessum leigumarkaði. Það sem þarf að gera er að taka þær tegundir út úr kvóta sem ekki eiga þar heima, hjá til dæmis krókabátunum má nefna ýsu, steinbít, karfa, keilu og löngu.

Það hlýtur að vera sérstaklega skemmtileg tilhugsun fyrir ykkur þarna fyrir vesta að gíma við það sem í vændum er og á ég þá við steinbítsvertíðina.

Hvert ætla menn að fara þegar hann flæðir yfir, Norður í Húnaflóa? Það er þetta sem við erum að benda á til dæmis, hagræðingin og hagkvæmni, hvar er hún í þessu, ég sé hana ekki? Menn flæmast í allar áttir langt frá sínum heimamiðum vegna arfavitlausra stefnu sem löngu er komin í gjaldþrot