Það kom að því að rauða spjaldinu...

yrði lyft upp. Segir það okkur ekki sitt hvað um dómskerfið á Íslandi að það þurfi út fyrir landsteinana til þess eins að túlka þau lög sem sett eru um þessi mál. Það stendur í lögum um stjórn fiskveiða að auðlindin er sameign þjóðarinnar. Þar stendur einnig að úthlutun aflaheimilda getur aldrei undir neinum kringumstæðum myndað eignarrétt. Þetta er alveg klárt ekki satt? Hvernig má það þá vera að menn hafa fengið að komast upp með það að veðsetja, selja eða leigja það sem þeir eiga ekki? Er þetta ekki brot á lögum, og hver ber ábyrgðina? Nú verður ekki komist hjá því lengur að það verður að stokka upp spilin og taka til. Hvar skal byrja er ekki gott að segja, en það má þó liggja ljóst fyrir að þetta er búið í þeirri mynd sem þetta er. Margir koma vafalaust til með að fagna því og er ég einn af þeim. Nú er ekkert annað fyrir mig að gera en sækja minn rétt til þess að stunda mína vinnu á jafnréttisgrundvelli.  Ef mér verður synjað þá halda menn væntanleg áfram að brjóta lög á mér og fleirum sem þíðir bara eitt,  ég fer í mál og lögbrjótarnir verða sektaðir eða dæmdir í fangelsi. Ég er skyndilega farinn að elska þetta land með haus, roði og beini...

Útfærsla kvótakerfis gagnrýnd

Athugasemdir

[Jóhann Elíasson, 10.1.2008 kl. 23:30]

Það þarf nú ekki mikla spekinga til að sjá að dómskerfið okkar er meira en lítið veikt og ef þú lest http://johanneliasson.blog.is/blog/johanneliasson/entry/409863/ þá kemur ástæðan í ljós.  Framkvæmdavaldið hefur  veriðað færa sig upp á skaftið síðustu ár og áratugi og gettu nú hvað hefur gerst (LÍÚ stjórnar Sjáaútvegsráðherranum og ráðherrann stjórnar dómstólunum sem aftur þýðir að í sjávarútvegsmálum er ekkert til sem heitir réttlæti)

[Hallgrímur Guðmundsson, 11.1.2008 kl. 00:01]

Athyglisverð lesning Jóhann. Það verður gaman að sjá hvað gerist í framhaldi af þessum úrskurði.

[Jóhann Elíasson, 11.1.2008 kl. 07:55]

Ég held nú að ef einhver dugur er í þingmönnunum okkar þá hljóti nú eitthvað að vera gert í sambandi við "besta fiskveiðistjórnunarkerfi í heimi" eftir þennan úrskurð, að öðrum kosti erum við alveg bjargarlaus.