Gamla árið kvatt með hræsni!!!

Hvað meinar Forsætisráðherra með þessari ræðu sinni?

Úr frétt á vísir.is "Geir Hilmar Haarde forsætisráðherra gerði kjarasamninga á næsta ári að umtalsefni í áramótaávarpi sínu, sem flutt var á Ríkissjónvarpinu, Stöð 2 og Vísi í kvöld. Hann sagði að kjarasamningarnir fælu í sér mikilvægar ákvarðanir í efnahagsmálum. En hann benti á að ábyrgt fólk væri í forystusveitum launamanna og atvinnurekenda sem hefðu skilning á því að samningar þyrftu að byggja á því að treysta stöðugleika.

Forsætisráðherra minntist þess einnig að Ísland hefði náð forystu á lífskjaralista Sameinuðu þjóðanna á árinu sem er að líða. Hins vegar hefði niðurstöður Pisa rannsóknarinnar á árangri íslenskra skólabarna ekki verið eins góður. Það væri hvatning til þess að gera betur"

Er Forsætisráðherra ekki að gefa það beint í skyn að kallað sé eftir þjóðarsátt í komandi kjarasamningum? Ég verð að velta fram nokkrum spurningum þessu tengt. Kom það aldrei til greina hjá sjálftökuliði launa að gæta hófs þegar þeir tóku ákvörðun um eigin laun? Kom það aldrei til greina hjá ráðamönnum að mótmæla óhóflegri hækkun launa þeirra til handa af kjaradómi? Hvernig skyldi standa á því að þjóðarsátt er ekki ofarlega í huga hjá þessu liði þegar launaumslagið bólgnar vægast sagt græðgislega út mjög reglulega þeim til handa ( hræsni )?

Með þessu er hann einfaldlega að segja að mínu mati, þeir sem ákveða okkar laun og annarra ríkispreláta eru óábyrgir gerða sinna ekki satt? En við getum ekki neitt annað en tekið við þessu rausnarlegu launahækkunum, kjaradómur segir að við eigum það svo sannarlega skilið ( hræsni ) Síðan er sjálfsagt hugsað, þetta er gott mál látum almenning halda áfram að greiða niður okkar eigin vanhæfni.

Við hvað var miðað þegar við fórum á toppinn á lífskjaralistanum? Sjálftökulið launa, forstjóra stóru fyrirtækjanna, bankastjórana hvernig var hægt að fara á toppinn ég bara spyr? Það var örugglega ekki tekið mið af almennum launþega með 120.000 þús eða minna á mánuði í laun. Eða fólkinu sem bíður í röðum eftir aðstoð vegna þess að það hefur ekki efni á kaupa sér í matinn, svo ekki sé talað um aðra hluti sem millistéttinni og þeim ríku þykir svo sjálfsagt og eðlilegt að hafa ( hræsni )

Síðan þegar eitthvað er fundið að eins og Pisa rannsóknin, er það náttúrulega alveg út í hött þessir aðilar hafa einfaldlega ekkert vit á okkar aðstæðum og sérstöðu ( hræsni ) Í besta falli hvatning til að gera betur, og hver á að gera betur? Auðvitað ekki þeir sem stjórna landinu, nei sveitarfélögin eru ábyrg og skulu sko taka til í sínu rassgati og gera betur ( hræsni ) 

Hver er svo okkar sérstaða? Mitt mat er svona. Almenningur í landinu skal píndur áfram í láglaunastefnu með ofurvexti hangandi yfir hausnum. Óhóflegri skatttöku ríkisins vegna óhæfni í ákvörðunartöku og stjórnun. Í þessum lið færslu minnar er hægt að telja upp langt fram á þetta ár en læt þetta duga í bili.

Njótið dagsins, Gleðilegt ár.