Er ekki bara málið að.....

draga þessar umhverfissinnuðu pokarottur út fylgsnum sínum og þær látnar sína gott fordæmi fyrir umhverfisbaráttu sinni með duglegri hreinsun landsins eftir áramótin. Það verður ekki upp á þetta lið logið. Síðan mætti halda að það séu bara björgunarsveitirnar sem selja flugelda, hvað með íþróttafélögin,bílasölur og einstaklinga sem sjá ekkert annað gróðavon með sölunni? Þar fyrir utan erum við sem notum þetta dót ekkert of góð til að hreinsa upp eftir okkur sjálf. En miða við hræsnina sem lesa má út úr fréttinni er ég alveg tilbúinn að taka að mér svo sem eins og eina umhverfisrottu og leiðbeina kvikindinu við góða hreinsun...

Skorað á björgunarsveitirnar

Athugasemdir

[Björn Finnbogason, 26.12.2007 kl. 19:47]

Ég efast um að sumt af þessu liði hafi séð SJÓ! Góður.

[Vilbogi Magnús Einarsson (IP-tala skráð) 26.12.2007 kl. 20:27]

Vil benda Einari á að þetta er ekki til ábata fyrir sveitirnar heldur aukin vinna. Það ætla ég að vona að þú og þin fjölskylda þurfir ekki á hjálparsveitum nokkurntíma að halda. Þetta er þeirra eina tekjulind og allt starfið í sjálfboðavinnu.

Menn sem stundað hafa sjó vita alveg hvað og hversu megnugar sveitirnar eru þrátt fyrir þröngan stakk fjárhagslega. Og Ath Allur þeirra búnaður er ekki af ódýrari kantinum.

Ég mótmæli þessari áskornu alveg. 

[Hallgrímur Guðmundsson, 26.12.2007 kl. 21:50]

Ekki veit ég hver þú ert Einar Bergmundur en ef þú er ein af þessum umhverfissinnuðu pokarottum sem ég talaði um sem ég reyndar held, væri það þá ekki gott málstað ykkar vegna að taka til hendinni sjálfir? Það er hverjum hollt að sýna gott fordæmi í verki fyrir sínum hugðarefnum. En einhvern veginn virðast hin og þessi samtök ekki geta gert neitt annað en gagnrýna aðra. Svona koma svo drífa sig út á gamlárskvöld með ruslapokann og gera eitt góðverk ( tína rusl ) þú hefur gott af því. Hvað vinnu mína varðar kallinn minn þá hef ég hugsað mér að starfa á sjó meðan ég hef heilsu og krafta til. Og trúðu mér þá er gott að vita af okkar frábæru björgunarsveitum ef ég lendi í sjávarháska. Ef þeir væru uppteknir við ruslasöfnun þegar kallið kemur og mæta of seint vegna þess þá hefur þú ýmislegt á samviskunni. Þér getur ekki verið sjálfrátt.

[Sigmar Þór Sveinbjörnsson, 27.12.2007 kl. 00:05]

Heill og sæll Halli ég er sammála þér að það mætti nefna fleiri sem ættu að taka að sér að tina ruslið eftir sig, til dæmis þeir sem eru að senda inn á öll heimili þetta blaðarusl allt árið um kring,. Ég tel það ekki eftir mér að hreinsa upp draslið sem kemur á lóðina hjá mér á Gamlárskvöld. Við skulum nota tækifærið og hvetja alla sem kaupa flegelda fyrir áramót að versla nú við Björgunarsveitirnar. Halli minn þú mættir vera aaaaaaaðððeins orðvarari á blogginu haha.

Gleðilega rest og hafðu það gott um áramótin og vonandi fiskar þú vel á nýja árinu.

kær kveðja

[Ólafur Björn Ólafsson, 27.12.2007 kl. 00:34]

Ég held að fáir hafi hitt naglann eins vel á höfuðið eins og Hallgrímur Guðmundsson hér að ofan.

Ég er einn af þessu björgunarsveitarfólki og ég verð að segja a´ð nóg er af vinnu bæði launaðri fyrir mig og fjölskyldu mína, svo kemur björgunarsveitarstarfið í sjálfboðavinnu og það ekki lítið.

Hvað gerist svo ef ég þarf svo að eyða restinni af frítímanum til að tína rusl eftir sóðana sem komu með þessa uppástungu?

Það verður þeirra mál ef einhver týnir lífi til sjávar eða sveita vegna þess að ég er upptekinn við að hirða ruslið sem snobbhyskið óskaði eftir að ég týndi!!!

Nú á morgun (eða í dag reyndar eftir miðnættið), þarf ég að leggja lokahönd ásamt fleirum við uppsetningu sölustaða og er það ærið verk.

Allt er þetta gert til að greiða fyrir starf sveitarinnar sem ég er í fram að næstu sölu að ári. Inn í þessu eru strangar æfingar til að gera mann klárann þegar kallið kemur.

Hins vegar ef ég verð upptekinn vegna ruslatýnslu þá vitið þið við hvern er að sakast.

gleðilega rest

[Hallgrímur Guðmundsson, 27.12.2007 kl. 01:18]

Sæll Simmi auðvitað á maður að gæta orða sinna, en þegar svona samtök koma fram með svona hugmyndir tek ég mér það bessaleyfi að nota mína aðferð við að lýsa liðinu.

Það er einmitt þetta sem fer agalega í taugarnar á mér við svona samtök, það er að segja öllum öðrum hvað þeir eiga að gera og gera svo akkúrat ekkert sjálfir. Hvernig væri til dæmis fyrir þetta lið að koma upp að eigin frumkvæði gámastöðvum fyrir ruslið.

Ef það er einhver gróði af þessu rusli eins og maðurinn heldur fram er þetta ágætis leið fyrir þennan félagsskap að vinna sér inn pening fyrir félagskapinn. En eitthvað segir mér það að því nenna þeir ekki fyrir sitt litla líf, það er mikið einfaldara að sitja á bak við tölvu og röfla einhverja andsk..... þvælu sem aðrir eiga að framkvæma. 

Látum þessa preláta leigja gámana og reyna að rukka fyrir ruslið, verði þeim að góðu. Það er ekkert borgað fyrir svona nokkuð. Alveg er ég sammála þér Simmi það ættu allir að versla eingöngu við björgunarsveitirnar.

Þeir eru hetjur sem vinna stórkostuleg afrek við oft á tíðum ómannlegar aðstæður. Það hef ég sjálfur fengið að reyna hvernig þessir menn leggja sig 120% fram við að bjarga okkur hinum sem lendum í neyð.

Takk fyrir þitt innlegg Ólafur Björn þú er hetja og þið allir sem í björgunarsveitunum eru. Það er alveg á hreinu að í þessar sveitir þarf mjög sérstakt fólk sem af ótrúlegri óeigingirni leggur oft á tíðum líf sitt að veði fyrir okkur hin sem rötum í ógöngur, á landi eða lendum í sjávarháska, það gerist yfirleitt ekki þegar úti er sumar og sól það er alveg ljóst.

Og allt unnið í sjálfboðavinnu, það ber að þakka og er ein leiðin sem við getum notað í þakklætisskyni við ykkur er að versla  flugeldana hjá ykkur og engum öðrum.

Kv Halli. 

[Hallgrímur Guðmundsson, 27.12.2007 kl. 01:23]

Sömuleiðis Simmi og Ólafur gleðilega rest og ég óska ykkur velfarnaðar á næsta ári.  Kær kveðja Halli.

[Karl Jóhann Guðmundsson (IP-tala skráð) 30.12.2007 kl. 12:08]

Kæri bróðir.

Gleðilega hátíð, vonandi fékkst þú einhverja góða íslenska bók í jólagjöf skrifaðri á fagurri íslenskri tungu.

Ég skil hvað þú ert að fara með þessum skotum á umhverfisverndarsinnana en ég verð að benda þér á að þú ert nú sjálfur einn af þeim. Litli trillukarlinn sem lifir og starfar í anda sjálfbærrar þróunar og gerir kröfu um að þeir stóru fari að ganga betur um fiskimiðin svo allt vistkerfið dafni og eitthvað...

 Alveg get ég verið sammála þér með það að þeir sem standa fyrir þessari áskorun á björgunarsveitirnar skelli sér í pollagallann nú um og eftir áramótin og hjálpi til við að týna ruslið í poka og rukka Sorpu og viðkomandi bæjarfélög um sorphreinsigjald. Það er nú það minnsta sem blessað fólkið getur gert fyrst það þarf að láta svona, vera okkur umhverfissóðunum góð fyrirmynd.

Bestu kveðjur úr Hveragerði

[Karl Jóhann Guðmundsson (IP-tala skráð) 30.12.2007 kl. 12:13]

Ég gleymdi að henda þessu inn áðan:

http://www.mbl.is/mm/frettir/innlent/2007/12/30/unnid_vid_erfidar_adstaedur/

Auðvitað eiga björgunarsveitirnar okkar að njóta ákveðinnar virðingar, þeir eiga það til stundum að leggja sig í hættu við að eltast við fólk upp um fjöll og firnindi við vafasamar aðstæður oft á tíðum. Töff lið sem kann sitt fag.