Leiðrétting á áður útreiknuðu rannsóknarsvæði Hafró í haustrallinu.

Þar sem hvert tog í vorrallinu er 4 sml að lengd = 7.3 km geri ég ráð fyrir að það sé eins í haustralli Hafró. Ég tel það skyldu mína að leiðrétta útreikningana sem ég birti um daginn vegna talsverðra skekkju. Öllum getur orðið á í messunni og er ég engin undantekning á því. Eftir útreikningum frá Sjómælingum Íslands er svæðið í kringum Ísland frá 0 metrum niður á 500 metra dýpi 212.000 ferkílómetrar. Hvert tog með 75 m hlerabil dregið frá A til B = 7.3 km gera um það bil 0.55 ferkílómetra. Hér gef ég Hafró að þeir rannsaki frá botni og upp í yfirborð, það er ekki rétt þeir taka einungis 3.1 - 3.2 metra upp frá botni, en gott og vel leifum þeim að njóta ( ég er örlátur núna ). Tekin eru 381 tog sem þíðir að rannsakaðir eru um það bil 210 ferkílómetrar, eins og fyrr segir er hafsvæðið niður á 500 metra dýpi 212.000 ferkílómetrar sem segir okkur það að rannsakað er um það bil 0.099% af svæðinu og stóridómur kveðinn upp sem heilög vísindi með nánast enga mæliskekkju. Er vísindamönnum ekki sjálfrátt, hvernig á að vera hægt að taka þetta trúanlegt? Þetta er aðferðarfræði sem dæmir sig sjálf.