Sjálfvirka tilkynningakerfið sannar sig.

Það er rétt að bregðast við þegar bátar hverfa úr kerfinu, þetta er mjög góð viðbót í öryggismálum sjómanna. En gæti verið að blessaður maðurinn á þessum bát hafi verið að skíta og ekki viljað leyfa Fiskistofu fylgjast með því? Í það minnsta hreykja sumir sér af því þar á bæ að með þessu kerfi geti þeir nánast séð þegar við gerum þarfir okkar. Hver svo sem tilgangurinn með því er??????

Bátur sem hvarf af tilkynningakerfi kom í leitirnar

Athugasemdir

[Sigmar Þór Sveinbjörnsson, 7.12.2007 kl. 22:19]

Heill og sæll, ég er ekki alveg að grípa þetta blogg hjá þér Halli minn.

kær kveðja

[Hallgrímur Guðmundsson, 7.12.2007 kl. 23:14]

Sæll Simmi. Ég er eiginlega að gera háðlegt grín að ákveðnum manni sem við skulum sleppa að nafngreina. Hann hreykti sér svo af því að hafa aðgang að þessu kerfi að hann gæti nánast séð þegar við færum á klósettið að skíta. Hann er starfsmaður Fiskistofu og er á einni skrifsstofunni þar. En sjálfvirka kerfið er algjör snilld og þvílíkt öryggisstæki fyrir okkur sjómenn. Ég náttúrulega gleymdi að setja það með að karl ræfillinn á bátnum hefði sennilega slökkt á tækinu meðan hann fór á klósettið ( lunninguna ) Annað var það nú ekki.

Kv, Halli. 

[Albert Þór Jónsson, 8.12.2007 kl. 00:26]

Sæll Hallgrímur þegar þetta kom þá var okkur lofað að þetta væri eingöngu öryggistæki og yrði ekki notað í neinum öðrum tilgangi. En svo var þetta komið inná borð til fiskistofu til að fylgjast með dagabátum og nú fær maður ekki línuívilnun nema að tækið sé notað til að fylgjast með því. Bara smá hugleiðing:)

[Hallgrímur Guðmundsson, 8.12.2007 kl. 00:43]

Akkúrat Berti, ég hef nú heldur betur fengið að kynnast því. Alveg er þetta að verða ótrúlegt þetta eftirlitskerfi sem við þurfum að búa við. Einhvers staðar skrifaði ég um að þess verði ekki langt að bíða að það verði settur skynjari á görnina á manni. Þá er hægt að rukka mann fyrir útlögðum kostnaði á eyðingu þess sem út um hana kemur. Maður spyr sig að einu, til hvers í andsk...... þurfum við að vera að eyða pening í símakrókinn þegar Fiskistofa fylgist með öllum okkar hreyfingum í gegnum sjálfvirka kerfið?

[Albert Þór Jónsson, 8.12.2007 kl. 04:09]

Já Hallgrímur það er eitt af mörgu sem maður skilur ekki. Það er best að slökkva bara á hausnum á sér ef maðu ætlar að vinna í þessu í dag því það er margt sem er alveg þver öfugt við það sem maður telur eðlilega skynsemi

[Sigmar Þór Sveinbjörnsson, 8.12.2007 kl. 12:10]

Heill og sæll aftur, já það hlaut að vera. Það mátti taka þetta á tvo vegu að þú værir að gera grín að kerfinu. En þetta er þegar búið að bjarga mannslífum. Hitt er svo annað mál að þessir blessaðir embættismenn vilja stundum misnota þessi annars góðu kerfi og það getur haft slæm áhrif á notagildi þess. 'Eg þarf ekki að túlka það neitt.

kær kveðja

[Hallgrímur Guðmundsson, 8.12.2007 kl. 12:23]

Sæll aftur Simmi. Ég myndi aldrei fara út í þá þvælu að lasta það sem vel er gert og virkar í raun þegar kemur að öryggismálum okkar sjómanna. Þetta kerfi er eitt það besta sem við höfum fengið í mörg ár.

Kv, Halli. 

[Grétar Rögnvarsson, 8.12.2007 kl. 15:43]

Nú ætla ég ekki að vera alveg sammála þér Hallgrímur, það sem á að gera er að lögbinda AIS í borð um hvern einasta smábát svo að þeir sjáist, bara til öryggis þeirra sem á bátunum eru, við sem erum á þessum stóru bátum, eigum oft í vandræðum með að sjá smábáta á radar eins og þú veist. Sumir þessir bátar eru svo gangmiklir að það er bara oft hætta á ferðum þegar þeir koma á fullri ferð, og það er oft á tíðum eins og þeir sem stjórna þessum bátum kunnii því miður ekki siglingareglur, enda hefur maður heyrt ljótar en sannar sögur af mönnum sem geta siglt út úr höfnum við Faxaflóa eftri GPS plotter en hafa ekki komist í land nema með herkjum ef drepist hefur á plotterernum. Sem betur fer er AIS komið í nokkra smábáta og það er til mikilla bóta fyrir okkur á stærri bátunum.

[Hallgrímur Guðmundsson, 8.12.2007 kl. 16:32]

Þarna er ég alveg sammála þér Grétar auðvitað á að lögbinda AIS í öll skip og báta jafnt stór sem smá. Það væri algjörlega gegn minni vitund og reynslu að bera á móti siglingarkunnáttu margra sem eru að þeysa um hafið á þessum hraðfiskibátum, hún er akkúrat engin hjá allt of mörgum því miður. Sem svo aftur getur skapað stórkostulega hættu fyrir aðra sjófarendur. Er ekki þarna á ferðinni brotalöm í reglum um réttindamál? STDK kerfið var á sínum tíma frábær viðbót fyrir okkur, en auðvita eigum við að fylgjast með og tileinka okkur allt það besta sem völ er á í sambandi við öryggismál, um það ætla ég ekki að deila. Til dæmis AIS það er einfaldlega kynslóðin sem kom á eftir STDK kerfinu og það eigum við að taka upp og þá meina ég allir sem einn.

kv, Halli. 

[Grétar Rögnvarsson, 8.12.2007 kl. 23:16]

Ég held að þetta verði lögfest í alla báta, búið að lögfesta í fragtskip, og svo er þetta komið í flesta stærri fiskibáta, meir að segja eru eiginlega allir Rússarnir sem við erum stundum að fiska með komnir með þetta og það er alveg rosalegur munur þegar er mikil trafík að geta kallað þá uppi eins og er oft á Rockall svæðinu á vorin á kolmunanum.

[Hallgrímur Guðmundsson, 8.12.2007 kl. 23:29]

Það verður að gera það annars kemur þetta ekki í litlu bátana. Ég get alveg trúað því Grétar að þetta sé algjör bylting, ég hefði alveg verið til í að hafa þetta þegar traffíkin var sem mest á Flæmska og alltaf meira og minna svarta þoka.

[Hallgrímur Guðmundsson, 10.12.2007 kl. 17:05]

Ég vil byrja á því að leiðrétta prentvillu, ( siglingarkunnáttu átti að vera siglingarfræðikunnáttu ) Auðvitað eru misjafnir sauðir á mörgum stöðum með próf á allan fjandann en samt sem áður algjörlega óhæfir. En er ekki stór brotalöm á þessu öllu saman þegar réttindalausir menn geta farið hvert sem þeim dettur til hugar á þessum bátum? Þegar menn síðan taka þetta svokallaða pungapróf hver er krafan um reynslu áður en fullgilt skýrteini er gefið út? Hjá okkur sem tökum stýrimannaskólann er krafa um 24 mánaða siglingatíma, síðan verðum við að hafa verið starfandi sem stýrimenn í ákveðinn tíma undir leiðsögn skipstjóra áður en við fáum fullgilt skýrteini. Hver er munurinn, af hverju er ekki látið jafnt yfir alla ganga?