Aukning á Þorskkvóta þolir enga bið!!!!!!!!!!!

Vísindaveiðar á hnúfubak þola enga bið

- segir Konráð Eggertsson hrefnuveiðimaður

26.11.2007

,,Við verðum að hefja vísindaveiðar á hnúfubak strax og ekki síðar en næsta sumar. Ástandið á miðunum er slíkt að veiðar þola enga bið,” segir Konráð Eggertsson hrefnuveiðimaður á Ísafirði í samtali í nýjustu Fiskifréttum.

Hann átelur að ekki skuli vera nein áform um að hefja vísindaveiðar á hnúfubak. ,,Talað er um að hnúfubakurinn sé heilög kýr, sem hvalfriðunarsinnar beri mestar tilfinningar til og það yrði erfitt pólitískt að fá það í gegn í Alþjóðahvalveiðiráðinu að hefja vísindaveiðar á hnúfubak. Þvílíkt og annað eins,” segir Konráð.

,,Fjölgun hnúfubaksins við Ísland er skelfilega mikil. Ég er búinn að fylgjast með hnúfubaknum undanfarin fimm ár þegar ég hef verið á hrefnuveiðunum. Þar sem eitthvað er að éta inni á flóum og fjörðum er hnúfubakurinn í hundraða tali,” segir Konráð. Heimildir: http://skip.is/ 

Aukning á þorskkvóta þolir enga bið. Þetta verður væntanlega það sem við lesum og heyrum í fréttum þegar vetrarvertíðin verður svona um það bil hálfnuð.

Athugasemdir

[Jóhann Elíasson, 26.11.2007 kl. 23:03]

Það þarf að hefja hvalveiðar aftur og það í almennilegu magni og það á að auka fiskveiðar, höfin eru "ofsetin" og það þarf að "grisja" þau rétt eins og fjallavötnin, þetta er ekki flókið en því miður eru þessir ands...... "Náttúruverndar-Ayatollar" haldnir einhverri sjálfseyðingarhvöt og þegar upp er staðið á maðurinn ekkert að éta nema njóla og hundasúrur, það verður að vera eitthvað til að éta fyrir hvalina og annað sem þeim dettur í hug að "vernda".

[Grétar Rögnvarsson, 26.11.2007 kl. 23:33]

Alveg er ég svo hjartanlega sammál að drepa þurfi Hnúfubakinn, við sem höfum loðnuveiðar stundað höfum séð mjög mikla fjölgun, fyrir um 20 árum þegar ég byrjaði sem sem skipstjóri á loðnuskipi sá maður eitt og eitt dýr þá fyrir norðurlandi, og það var hending ef þeir kæmu í nætur skipanna, síðast þegar ég var á sumarloðnu með nót var oft mjög erfitt að athafna sig vegna þess að það var nánast undantekningarlaust lokaður inni Hnúfubakur þegar kastað var á torfu. En núna er hann farinn að elta loðnuna suður fyrir land og þegar veitt er í grunn nót með suðurströndinni kemur það orðið fyrir að menn loka þessi kvikindi inni. Þetta kvikindi þarf að drepa í stórum stíl.