Hræsni af verstu sort!!!!!!!!!!!!!!!!

Ekkert vanta upp það hjá blessuðum fiski, rollu, belju, hænsna, geita, og hvað þetta allt heitir RÁÐHERRA Einari K. Guðfinnssyni að upphefja sig og lygaþvæluna á alþjóðavettvangi. Hér er Hlekkur á bloggið hans og það sem ég er að vitna í. Tilvitnun í grein Einars."Okkar fámenna ríki nýtur á vettvangi eins og FAO mikils álits. Árangur okkar við auðlindanýtingu og uppbyggingu sjávarútvegs sem atvinnugreinar skapar okkur gott orðspor." Um hvað er Einar að tala, býr maðurinn ekki á Íslandi og er það ekki hann sem stýrir sjávarútvegsmálum Íslendinga? Hvernig getur hann talað um uppbyggingu sjávarútvegs á Íslandi? Væri ekki nokkuð nær lagi að tala um niðurrifsstefnu í sjávarútvegi með tilheyrandi hörmungum landsbyggðarinnar? Niðurskurður í þorskveiðum byggður á mjög svo vafasömum upplýsingum komin í sögulegt lágmark, skuldir sjávarútvegsins í sögulegum hæðum sem vandséð er hvernig verði borgaðar. Jú þetta er það sem blessaður maðurinn telur glæsilegan og eftirsóknarverðan árangur. Maður getur ekki annað en spurt, í hvað sólkerfi er Einar K Guðfinnsson?

 Einar byrjar sín skrif á vægast sagt einkennilegan hátt," Beint fyrir framan mig á fundi hjá FAO á dögunum, sátu fulltrúar frá Norður Kóreu. Þeir virtust ekki vinamargir, en fögnuðu hins vegar innilega þegar vinir þeirra frá Burma ( Myanmar) gengu að borði þeirra. Sækjast sér um líkir. Þarna var greinilega fagnaðar- og vinafundur og undireins spurt hvort Kínverjar væru á næstu grösum.

Það er með Norður Kóreu eins og ýmis önnur ríki, þar sem mannréttindi eru fótum troðin og virðing fyrir einstaklingunum engin, að heiti ríkisins er skrautlegt." Tilvitnun líkur.

Hvað er Einar sjálfur að gera á Íslandi? Eru mannréttindi og stjórnarskrárvarinn réttur fólks virtur af honum sjálfum í hans eigin landi?  Mín skoðun er sú að Einar K á einnig heima við þetta borð sem hann vil flokka svona með allt að því viðbjóðslegri hræsni og fyrirlitningu.

Athugasemdir

[Jóhann Elíasson, 24.11.2007 kl. 15:56]

Ég efast bara stórlega um að Norður-Kóreumenn tækju við honum, þótt við værum tilbúin til að borga með honum, ekki myndi "afrakstur uppbyggingarinnar í sjávarútvegnum" duga langt.

[Atli Hermannsson., 25.11.2007 kl. 01:35]

Það er nú aldeilis munur að vera vinamargur eins og Einar Kristinn. En hvernig ætli maður fari að því að greina það á fjölmennri ráðstefnu. Kepptust menn kannski við að bjóða Einari í glas? Þessi derringur og stærilæti er eitt af þvi sem ég hef hvað mest ógeð á. Ég hef farið á fjöldamargar sjávarútvegssýningar í samtals fjórum heimsálfum á 20 ára tímabili. Því veit ég að við Íslendigar erum pínulitlir karlar. Við erum t.d aðeins um 2% af heimsaflanum. Ég var sem dæmi eitt sinn á sýningu í Seattle og var margspurður í básunum hvar Ísland væri eftir að ég hafði kynnt mig. Þessi smáborgarháttur okkar sem brýst út í þessum rembingi að við séum leiðandi og mestir og bestir og allir séu að veita okkur athygli er svo aumkunarverður að mig verður við það eitt óglatt. 

Af hverju að nefna Norður Kóreu sem átt hefur undir högg að sækja? Því ekki að minnast á Suður Kóreu sem ekki er minni fiskveiðiþjóð en við eða Víetnam.

Þá skulum við forðast gera lítið úr Myanmar sem eru að fiska í kringum 1,3-1,5 milljónir tonna á ári... og eiga ekki einu sinni togara. Þá er fiskeldið hjá þeim af allt annarri stærðargráðu en við eigum að venjast... svo við getum örugglega lært meira af þeim en þeir af okkur.   

[Hallgrímur Óli Helgason, 25.11.2007 kl. 10:21]

það virðist alltaf vera best og flottast sem kemur frá ráðherranum okkar að hans eigin sögn, hann virðist ekki sjá vandann sem steðjar að bæði sjávarútvegi og landbúnaði, hann heldur að allt leysist með því að tala nógu mikið um ekki neitt að mér finnst.

[Hallgrímur Guðmundsson, 25.11.2007 kl. 14:26]

Jói sennilega er það skelfileg staðreynd að það vilji enginn eiga hann þó við reyndum að gefa hann og borga undir hann flugfarið.

Atli svona er málið í raun við erum bara smá peð í öllu saman. Að við séum fremstir og bestir í öllu er þvílík þvæla að manni svimar af tilhugsuninni einni saman. Ekki er ég viss um að til dæmis Norðmenn, Írar og Færeyingar samþykki það að við stöndum þeim framar í uppsjávarveiðum. Ef því væri haldið fram beint í andlitið á þeim yrði það sennilega brandari ársins í þeim löndum. Ekki er mér kunnugt um að við stöndum til dæmis Færeyingum framar í togveiðum og línuveiðum. Smáborgararembingurinn gerir ekkert annað en gera okkur að aðhlátursefni víða um heim. Er þetta ekki eina leiðin fyrir títt nefndan Einar K að eignast vini það er með svona andsk.... lygum og hræsni, í það minnsta heyrir maður það að hann þori ekki einu sinni að heimsækja sína heimabyggð.

Nafni þarna hittir þú naglann á bólakaf í höfuðið, tala og tala og tala ooooog tala um nákvæmlega ekki neitt.

[Atli Hermannsson., 25.11.2007 kl. 17:14]

Halli. Skoðaðu heimasíðuna hjá honum Einari Kristni í aðdraganda síðustu kosninga. Það örlar t.d. varla á nokkru sem viðkemur sjávarútvegskerfinu. Mest eru þetta heimspekilegar vangaveltur og listrænar pælingar. Þá er frelsið og mannréttindi honum hugfólgið eins og fram kemur í þessari grein. Gott og vel... en hvernig væri þá að hann einhenti sér í það að auka á frelsið  og jafnræðið innan fiskveiðikerfisins svo fólk á landsbyggðinni eigi þann kost að bjarga sér og þurfa ekki að yfirgefa verðlausar eignir sínar og hrekkjast  á flótta frá æskustöðvum sínum.

[Hallgrímur Guðmundsson, 25.11.2007 kl. 18:54]

Akkúrat Atli þetta er einmitt ástæðan fyrir því að ég kalla þetta viðbjóðslega hræsni og fyrirlitningu.