Árni Friðriksson finnur enga loðnu

 

Áhöfnin á hafrannsóknaskipinu Árna Friðrikssyni hefur lítið sem ekkert fundið af loðnu, en skipið hélt til loðnuleitar fyrir nokkrum dögum. Afleitt veður hafur verið á leitarsvæðinu norðvestur af landinu og leit því ekki gengið sem skyldi.

Ekkert loðnuskip tekur þátt í leitinni að þessu sinni, en stundum hafa nokkur veiðiskip verið með í för, undir stjórn Hafrannsóknastofnunar.             

Heimildir: http://visir.is/ 

Hefði ekki verið eðlilegra fyrir Hafró að finna einhverja loðnu áður en byrjunarkvóti var gefin út? Hvernig er hægt að tengja þetta við einhver vísindi, eða liggur eitthvað annað á bak við þá ákvörðun? Er það raunin að Líú stjórni þessu eftir sínu höfði? Er það ekki ábyrgari stefna að banna loðnuveiðar þar til menn vita nokkurn veginn fyrir víst hvað er í boði? Staðreynd málsins er sú að vísindin eru ekki það nákvæm að þau vita upp á kíló hvað er í hafinu, þó sumir vilji halda öðru fram.

Athugasemdir

[Atli Hermannsson., 13.11.2007 kl. 11:41]

Eins og alþekkt er hefur í mörg undanfarin ár farið af stað leikrit um þetta leyti með Árna Friðriks í aðalhlutverki og Vilhelm,, Baldvin, Jóni Kjartans, ásamt fleirum í aukahlutverkum.

En strax eftir fyrsta þátt hefur hlutverkaskipan snúist við og minni spámennirnir farnir að sjá peðrur og ryk langt umfram það sem Árni sér í sínu korti. Það hefur síðan leitt til þess að gefin hefur verið út byrjunarkvóti sem sjaldnast hefur verið innistæða fyrir.

Að þessu sinni á að fara aðra leið. Í stað þess að endurtaka leikinn enn einu sinni, á að leyfa flotanum að fara af stað og freysta þess að frysta eins og hver betur getur á meðan verðmætin eru sem mest. Sennilega er litið svo á af Hafró að 100 þúsund tonn skipti hvort eð er ekki neinu sé stofninn í lágmarki hvort eð er - en skipti flotann gríðarlega miklu. 

Ég veit ekki hvor aðferðin er réttari... en nýja aðferðin hefur eins og þú segir Hallgrímur ekkert með vísindi að gera... bara spurningin hvort sú gamla hafði það nokkuð heldur.   

[Grétar Rögnvarsson, 13.11.2007 kl. 11:42]

Sæll Liverpoolmaður, loðnukvóttinn nú er gefinn út á loðnu sem fannst í vor tveggjaára loðnu sem á að veiðast sem 3-4 ára loðan á þessari vertíð. Það er ekkert nýtt að loðna finnst ekki á þessum árstíma, hefur ekki sést undanfarin 4 haust, birist bara í jan eins og venjulega í veiðanlegu formi, er sammála þér að þetta eru mjög svo hæpin vísindi, eins og ég kom inn á  bloggi Sigujóns Þ um daginn

[Grétar Rögnvarsson, 13.11.2007 kl. 11:51]

Ég ætla að vona að Atli Hermannson hafi stundað loðnuveiðar eins lengi og ég, en finnst hann minnist á skipið mitt þá get ég ekki annað en sagt það að við þessir minni spámenn eins og hann vil kalla okkur hofum margfallt meiri reinslu af loðnuleit heldur en þeir sem skreppa út á sjó eftir dagatali Hafró, og þér að segja þá hefur okkur nú ekki fundist mikið hlustað á okkur, og ef þú lest fyrri athugasemd mín sérðu út frá þessu kvóti er settur á, veit það bara að það veit enginn hvað mikið er til af æoðnu í sjórnum það hlítur að vera mikið ef hvalurinn étur árlega 2 milj tonna eins og menn frá Hafró hafa sagt 

[Hallgrímur Guðmundsson, 13.11.2007 kl. 12:06]

Sammála Atli það eru margar útgáfur af leikritinu.

Sæll Grétar, mér finnst vera svo margir óvissuþættir í þessu öllu að maður getur fátt annað en sett mörg spurningamerki við svona úthlutun. Hefur Hafró ekki margítrekað að þeirra sögn ofmetið til dæmis þorskinn, sem er náttúrulega hrein fölsun gagna eins og margoft hefur verið bent á, hvað er það sem á að fá mann til að trúa beint því sem þeir gera? Þorskurinn  einn og sér étur helling af loðnu svo ekki sé talað um hvalina eins og þú bendir réttilega á. Það er alveg rétt sem þú segir, þið loðnuskipstjórarnir eruð langhæfastir til að dæma þetta. Sama og við sem stundum veiðar á öðrum tegundum erum mikið meira í tengslum við það sem er að gerast í raun heldur en dagatalsvísindastofnunin Hafró. Það rekst hvað á annað sem þessir menn segja, í það minnsta ef allt er tekið saman er nánast óskiljanlegt hvernig þessir prelátar á Hafró komast upp með þetta algjörlega óáreittir. 

[Grétar Rögnvarsson, 13.11.2007 kl. 12:21]

Við erum alltaf sammála Hallgrímur um þessi mál, eina sem við erum ekki sammála um er fótboltinn.

[Hallgrímur Guðmundsson, 13.11.2007 kl. 12:37]

Fyrir mér Grétar er boltinn áhugamál og skemmtun ekki trúarbrögð, sem því miður hrjáir helv... marga. Ég er búinn að vera Púllari síðan 1970 og eins og segir í auglýsingunni, það er engin ástæða til að breyta.

[Atli Hermannsson., 13.11.2007 kl. 12:49]

Sæll Gretar. Ég hef ef til vill byrjað á loðnu um svipað leyti og þú...en ég get hvorki státað af löngum né farsælum ferli þó ég hafi samtals komið við á þremur skipum. Ég var alls ekki að gera lítið úr þætti ykkar skipstjóra við loðnuleitina - langt í frá. Því án ykkar gæti Árni verið að þvælast eins og höfðusóttarveikur svo vikum skiptir án árangurs. Ég var aðeins að reyna að vera sniðugur eins og þú hefur áttað þig á.

Gretar, það kemur fyrir að ég er spurður hvor ég hafi ekki gaman af veiðum... jú með loðnunót. 

[Grétar Rögnvarsson, 13.11.2007 kl. 13:11]

Ég tók því heldur ekki þannig, sammála þessu með nótina skemmtilegasta veiðarfærið

[Grétar Rögnvarsson, 13.11.2007 kl. 21:22]

Það er alveg rétt hjá þér Vilmundur, svona enda allar loðnuvertíðir, vegna þess að þegar loðnan er búin að hrygna veiðist hún ekki, og það sem meira er menn héldu lengi vel að hún dræpist öll eftir hrygningu en hafa nú áttað sig á að svo er ekki.

Kristinn, prufau að spurja fiskifræðingana hvar hún haldi sig þegar hún finnst ekki, og spurpu fleiri en einn þú færð ekki sömu svörin, því þeir hafa ekki hugmynd um það.

[Hafsteinn Viðar Ásgeirsson, 14.11.2007 kl. 13:08]

Áhugaverð og góð umræða og hægt að taka undir þetta allt hjá ykkur. Eins og Grétar segir hér, að ég reikna með að við fengjum jafn margar útgáfur eins og fjöldi aðspurðra um hvar hún heldur sig loðnan, þegar hún breiðir sem best yfir sig.