Að mínu mati er það skilda........

fjölmiðla og þá meina ég alla fréttafjölmiðla að ganga eftir því að stjórnvöld svari því  skýlaust með hvaða hætti þau sögðust vera búin að tryggja það að til fjöldauppsagna kæmi ekki í sjávarútvegi við þennan niðurskurð á þorskkvótanum. Það er ekki hægt að kalla þessar uppsagnir bæði í Þorlákshöfn og Eskifirði annað en fjöldauppsagnir. Í dag er birt grein í Vikudegi á Akureyri yfirlýsing frá Brim hf og er fyrirsögnin svona. Stöðugur áróður formannsins meiri ógn við byggðina og fólkið en nokkuð annað.

Og er þá átt við formann Sjómannafélags Eyjafjarðar. Ósjálfrátt leiðir maður hugann að því hver er tilgangurinn með þessari yfirlýsingu. Skyldi þetta vera aum aðferðarfræði stjórnenda Brim hf að réttlæta lokun vinnslu á Akureyri. Það vita það allir að kvótinn er allur farinn frá Akureyri og unnið er að byggingu á nýrri og fullkominni vinnslu á Rifi. Nú vantar aðeins ástæðu til að réttlæta það að skella endalega í lás fyrir Norðan.

Tæplega 60 starfsmönnum Humarvinnslunnar á Þorlákshöfn sagt upp

Athugasemdir

[Sigmar Þór Sveinbjörnsson, 27.9.2007 kl. 21:16]

Gott innlegg í umræðuna Haraldur.

[Hafsteinn Viðar Ásgeirsson, 27.9.2007 kl. 22:11]

Ég er nú á þeirri skoðun Hallgrímur, að það sem Brimarar eru að segja um þetta dekurdýr Samherja hjá sjómannafélaginu eigi mikinn rétt á sér, því miður og örugglega ekki allt komið í ljós hvað það varðar.

[Jóhann Elíasson, 27.9.2007 kl. 22:19]

"Mótvægisaðgerðirnar" svínvirka.

[Hallgrímur Guðmundsson, 28.9.2007 kl. 01:09]

Það má vel vera að rétt sé Hafsteinn. Er ekki málið að Brim getur ekki unnið í samræmi við gildandi samninga? þeir virðast hafa þá tilhneigingu að starfa undir sínum eigin sérsamningum hvað sem það kostar. Það veit Guð að ég vona svo sannarlega 
að Brim haldi áfram sínu striki með vinnslu á 
Akureyri.  Annar fannst mér rétt að vekja athygli á þessu, sjáum svo hvað framtíðin ber í skauti sínu. Já mótvægisaðgerðirnar, sannarlega stolt ríkisstjórnarinnar í sinni bestu mynd.