Djö....... afskiptasemi er þetta!

Má ekkert orðið lengur. Mér finnst þetta bara vera eðlileg sjálfsbjargar viðleitni, þeir sem ekki hafa efni á því að kaupa vodkann á uppsprengdu verði af ríkinu reyna að sjálfsögðu að bjarga sér. En þvílíkur árangur laganna varða 2 lítrar verður að teljast frekar rýr.

Bruggari handtekinn á Suðurlandi

Athugasemdir

[Jóhann Elíasson, 5.9.2007 kl. 20:06]

Ég get ekki verið meira sammála Hallgrímur.  Ég hef oft vitnað í það að þegar ég var í Noregi, þá var deilt um það í sjónvarpsþætti, hvort heimabruggun væri heimilisiðnaður eða glæpur, því miður komust menn ekki að neinni niðurstöðu í þessum þætti en að mínu mati er að verða mikilhugarfarsbreyting gagnvart svona heimilisiðnaði það er annað þegar menn fara að selja þetta þá eru viðhorfin önnur.

[Ragnheiður Ástvaldsdóttir (IP-tala skráð) 5.9.2007 kl. 20:55]

Hefði nú frekar viljað sjá fyrirsögn þess efnist að lögreglan hefði gómað eiturlyfjasala. Finnst svo sem ekkert að því ef hann hefur eingöngu verið að brugga fyrir sjálfan sig en ef hann hefur verið að selja landann, jafnvel unglingum, já þá breytist málið. 

[Ragnheiður Ástvaldsdóttir (IP-tala skráð) 5.9.2007 kl. 21:00]

Þú verður að afsaka en ég á ekki neina nettæka mynd af mér til að setja inn.

[Jóhann Elíasson, 5.9.2007 kl. 23:06]

Alveg sammála þér Ragnheiður, auðvitað eiga menn að virða lögin og ef fólki þykir vínið of dýrt í "ríkinu" þá finnst mér allt í lagi að fólk reyni að gera sér lífið léttara með því að brugga til eigin nota.  En ég á við það vandamál að stríða að mér þykir koníak alveg óheyrilega gott ég get ekki bruggað það þannig að það sé viðunnandi á bragðið svo ég verð að kaupa það í "ríkinu" en það er ekki stórostlegt vandamál því flaskan dugir mér í ca 2 mánuði. 

[Ragnheiður Ástvaldsdóttir (IP-tala skráð) 5.9.2007 kl. 23:28]

Ójá koníak er eins og þú segir alveg óheyrilega gott, en sem betur fer þá dugar flaskan lengi því dýr er hún hjá þeim í ÁTVR

[Hallgrímur Guðmundsson, 6.9.2007 kl. 14:41]

Þér er fyrirgefið með myndina, þú kemur þó inn með nafni og er það bara fínt. Ég verð að spyrja þig Ragnheiður bjóstu í eyjum? Ef svo er hvenær og hvað gerðir þú þar? Þetta með heimaframleiðsluna á veigum Guðs finnst mér sárasaklaust meðan menn eru að þessu 
fyrir sig sjálfa. Hina á umsvifalaust að taka úr 
umferð. Það er ekkert svo flókið að búa til gott 
koníak úr landanum Jói minn, smá æfing skapar meistarann. Þegar ég var að brasa við þetta endaði það þannig að ég gat látið vin minn drekka þetta án þess að hann fyndi mun á minni framleiðslu og rándýru koníaki úr ríkinu og var hann algjör koníaks dýrkandi. En allt kostar þetta svakalegan tíma og pælingar. Ég er ekkert 
feiminn við að viðurkenna það að þegar ég drakk dugði ein koníaks flaska mér ekki eina kvöldstund, þannig að þá var sá peninga austur leystur með heimaframleiðslu. Gott mál fyrir suma en ég endaði með að leysa málið á mun einfaldari hátt, ég bara hætti að drekka og nota aurinn í eitthvað mun skemmtilegra, svo sem stangveiði og síðan finnst mér óstjórnlega gaman að plaffa niður Gæsir og ýmsan annan fiðurfénað.
kv. Halli

[Jóhann Elíasson, 6.9.2007 kl. 15:27]

Halli minn þakka þér góðar ábendingar og ég hef nú sagt það áður að mér finnst allt í lagi að brugga til eigin nota en strax og menn fara að selja þá á að slátra þeim um leið.  Það var gott hjá þér að hætta bara að drekka og vonandi á ég eftir að hitta þig í stangveiði því ég er með alveg óheyrilega veiðidellu en ég hef ekki gert tilraunir til þess að ná tökum á skotveiði.

[Hallgrímur Guðmundsson, 6.9.2007 kl. 20:35]

Það er ekkert svo langt síðan ég byrjaði að sveifla flugustöng og verður árangurinn af þeim veiðum ekki til þess að koma mér á spjöld sögunnar, nema þá kannski helst fyrir það eitt að hafa veitt þorsk á flugu, sem er reyndar það eina lifandi sem ég hef fengið á flugu og töluvert af hríslum og allskonar drasli sem aftan mig hefur verið á árbakkanum. En með spún og maðk er ég alveg ágætur. Jói skotveiði er algjört æði, það sport hef ég stundað síðan um fermingu, en byssa var ein af gjöfunum sem ég fékk og mjög góða tilsögn frá föður mínum um byssur og umgengni um þær sem var ómetanlegt. Þetta er eitthvað sem þú ættir að prufa, magnveiði er eitthvað sem ég stunda ekki ég tek nóg fyrir mig og læt það duga, annað finnst mér rugl. Fyrir mig er það útiveran og pæla í náttúrulífinu sem heillar mest við þetta, að vera úti í náttúrunni þegar byrjar að birta á morgnana er algjörlega frábært, sjá hvernig allt líf tekur við sér og fer á ról er bara tær snilld. Og svo að sjálfsögðu er alltaf spennandi hvor er sniðugri bráðin eða veiðimaðurinn, einstök tilfinning sem auðveldlega er hægt að vera háður á augnabliki.

kv. Halli

[Ragnheiður Ástvaldsdóttir (IP-tala skráð) 7.9.2007 kl. 16:28]

Takk fyrir að fyrirgefa þessa synd.

Já ég bjó í Eyjum frá 1985 - 1998 og var að vinna m.a. í Vinnsló og Tanganum/Eyjakaup eða KÁ- Tanganum eins og hann hét líka á tímabili.