Hleypa á togurunum inn á lokaðar ýsuslóðir.

Árni Bjarnason formaður Félags skipstjórnarmanna telur að endurskoða eigi reglugerðarhólf við landið með það fyrir augum að hleypa togurum inn í þau til þess að veiða ýsu. Hann segir að ómögulegt verði fyrir togarana að ná ýsukvótanum á næsta fiskveiðiári á sama tíma og þorskkvótinn sé skorinn svona mikið niður, nema skipunum verði hleypt inn á lokaðar ýsuslóðir. Einnig segir hann að hleypa eigi togurunum inn fyrir 12 mílurnar í ýsuleit, hann hlýtur að hafa skrifað þetta í hitasóttarkasti, eða besta falli einhverskonar óráði eftir eitursveppaát. Síðan gæti manni dottið til hugar að þetta sé enn og einn leikurinn hjá Líú, nota hundinn sinn í skítverkin sem þeir þora ekki að skrifa undir sjálfir í upphafi. Ég held að menn ættu að hafa vit á því að halda togurunum frá grunnslóðinni og vinna markvíst að því að koma þessum dulbúnu þriggja mílna togurum út fyrir í það minnsta 4 mílur ef ekki lengra. Nánar er hægt að lesa um þessa furðufrétt í Fiskifréttum 24 Ágúst 2007. Og lái mér hver sem vil, það er brjálæði bara það eitt að hugsa þetta, hvað þá heldur hrinda þessi í framkvæmd.

Athugasemdir

[Hafsteinn Viðar Ásgeirsson, 28.8.2007 kl. 19:27]

Það virðist allt vera á eina bók lært sem kemur frá þessum vesalings Árna Samherjadindli, alveg ótrúleg hugmyndafræði. Ætli það sé ekki nær að ýsuheimildirnar færðust á þann hluta flotans sem hefur heimild til að veiða á grunnslóðinni? (Þar sem þær voru þegar togararnir hófu uppkaup bátaflotans)

[Hallgrímur Guðmundsson, 28.8.2007 kl. 21:28]

Það segirðu satt Hafsteinn þessi blessaði dindill er algjörlega ótrúlegur. Hvernig er hægt að vera svona afmarkaður í kollinum að láta siga sér svona? Hugsa sér hvað er verið að biðja um, togarana upp í kálgarða, svona menn geta ekki verið með sjálfum sér sem fara fram á þetta. Ætli það verði ekki það næsta sem kemur, Líú heimtar þetta sem mótvægisaðgerð? Ekki kæmi það mér á óvart. Ég er með tillögu fyrir Árna og hans yfirmenn sem líklega er Líú, sækið um opinberan styrk til olíukaupa sem mætti kalla mótvægisaðgerð og senda togaraflotann í smuguna og stunda þar ólímpískar veiðar, þetta er jú alþjóðlegt hafsvæði.

[Jóhann Elíasson, 28.8.2007 kl. 22:11]

Margt hefur og misgáfulegt hefur komið frá þessum manni en þetta slær það allt saman út.