Hafró í útrás!!!!!!

Framkvæmdastjóri LÍÚ vill að rannsóknarskip verði strax sent til Grænlands

23.8.2007
Friðrik J. Arngrímsson framkvæmdastjóri LÍÚ segir að senda eigi hafrannsóknarskip strax til Grænlands til að kanna ástand þorskstofnsins þar. Fram hefur komið í fréttum í vikunni að Hafrannsóknarstofnun eigi ekki fé til að fjármagna slíkan leiðangur. Friðrik bendir á að rannsóknarskipið Árni Friðriksson liggi nú við bryggju og verði þar allan næsta mánuð. Þetta kemur fram á www.visir.is.

"Þetta þýðir að það kostar innan við 20 milljónir króna að fjármagna þennan leiðangur," segir Friðrik. "Það er því engin spurning að sjávarútvegsráðherra á að beita sér fyrir því strax að útvega fjármagn til þessara rannsókna."

Eins og fram hefur komið í fréttum er nú mokveiði af boltaþorski við Austur-Grænland. Friðrik segir að það þurfi að sækja um leyfi hjá Grænlendingum til að senda rannsóknarskip á svæðið. Það leyfi ætti að vera auðsótt því það séu jafnmiklir hagsmunir fyrir Grænlendinga og okkur að ástand þorsksins á þessum slóðum sé kannað.

Friðrik bendir á í samtali við visir.is að fyrr í ár hafi íslenskir togarar orðið varir við mikið magn af þorski á grálúðusvæðinu milli landanna, það er vestur af Hampiðjutorginu. "Gamla kenningin er sú að seiðin gangi héðan og alist upp við Grænland og skili sér síðar á Íslandsmið að einhverju leyti sem fullorðinn þorskur," segir Friðrik. "Við þurfum hinsvegar að fá vitneskju um stofnstærðin og hvort þessi þorskur sé að koma eða fara á okkar mið."

Ég verð að spyrja, Hvað hefur Hafró að gera til Grænlands? Hafrannsóknarstofnun sem finnur ekki einu sinni fisk á sínum heimamiðum hefur ekkert til annarra landa að gera. Þegar bent var á gríðarlegar fiskgöngur á Hampiðjutorginu sáu menn enga ástæðu til þess að gera nokkurn skapaðan hlut, af hverju á að gera eitthvað núna? Hvaða hvati liggur að baki þarna? Af hverju brást Hafró ekki við þegar bent var á að hugsanlega væri Grænlandsganga við Vestfirði í vetur? Af hverju steinhélt Friðrik J Arngrímsson kjafti þá? Væri ekki nær að þetta helv.... Hafró apparat tæki sig saman í andlitinu og reyndi að sinna sinni vinnu á einhvern vitrænan hátt við Ísland áður en farið er fram á að þeir fari á flakk um heiminn og niðurlægi sig þar líka.

Athugasemdir

[Guðrún María Óskarsdóttir., 24.8.2007 kl. 01:28]

Íslenskir útgerðamenn halda að þeir geti stjórnað því sem gerist hér á landi að eigin hagsmunum, verði þeim að góðu.

kv.gmaria.