Gríðarlegt magn af þorski...........

við Austur Grænland. Þetta kemur fram á vísir.is eins og færslan hér fyrir neðan segir til um. Yfir hverju eru menn svona spenntir? Það ætla ég rétt að vona að þessi helv.... kvikindi haldi sig þar. Það er nógu erfitt að stunda veiðar eins og staðan er í dag, allstaðar þorskur sem ekkert má veiða af, dagarnir fara í endalausan flótta undan þeim gula. Ef það er rétt sem Hafró segir að stofninn sé nánast að hruni kominn er þorskurinn mögnuð skepna, hann finnur mann alltaf sama hvað maður reynir að fela sig og veiðarfærin sín fyrir honum. Ekki byði ég í ástandið ef það kæmi einhver gusa af þessum andskotans kvikindum frá Grænlandi sem virðast hafa bara eitt markmið, það er að finna veiðarfærin okkar, nóg eru vandræðin fyrir. Eitt er nokkuð öruggt, Einari K Guðfinnssyni Bústofna og Fiskimálaráðherra dytti aldrei til hugar að auka kvótann á þessari annars fundvísu fiskitegund. Og þvælan sem frá Hafró kæmi yrði nokkuð örugglega efni í margar bækur sem ekki verða skrifaðar í þessari færslu.

Athugasemdir

[Einar Vignir Einarsson, 21.8.2007 kl. 19:50]

Hallgrímur

Var þetta ekki veitt hér við land????.  Þú veist að fiskurinn hér er ekki með sporð.  Togararallið er alltaf tekið á sama stað línu stubbarnir lagðir á sama stað sömu mennirnir sem reikna út niðurstöðuna.  Það er ekki von á góðu í þessum fræðum.

[Hallgrímur Guðmundsson, 21.8.2007 kl. 21:12]

Sæll Einar, nei þessi afli var tekinn við Austur-Grænland og gaman væri að vita með vissu 
hvaðan þessi fiskur kom. Það er alveg makalaust hvernig farið er að þessu, og enn merkilegra að það skuli vera látið viðgangast ár eftir ár. Manstu ekki eftir hauströllunum sem Hafró var með og henti síðan út um gluggann? Og ástæðan fyrir því var sú að niðurstaðan passaði aldrei við vorrallið. Þetta með sporðinn á kvikindunum er að verða sá dýrasti brandari sem um getur í mannkynssögunni.
kv. Halli

[Einar Vignir Einarsson, 22.8.2007 kl. 20:13]

Ég er hjartanlega sammála þér