Staðreyndir um góðan mann.

Ég sé mig knúinn til að koma fram með nokkrar staðreyndir, um mann sem ég þekki lítillega, og veit fyrir víst að er mjög fær á sínu sviði. Einhvern veginn virðist ákveðnum hópi manna vera mikil þægð í því að sverta þennan mann, sem í mínum huga er algjörlega óskiljanlegt. Nema þá kannski helst til að reyna að breiða yfir eigin drullu og vanmátt. Maðurinn sem um ræðir heitir Jón Kristjánsson og er sjálfstætt starfandi fiskifræðingur. Það er margt talað, og því miður blaðra menn miklu meira en þeir ættu að gera um hluti sem þeir hafa ekki nokkra hugmynd um hvernig eru í rauninni. Raunveruleg ástæða fyrir því að Jón yfirgaf Hafró á sínum tíma var sú að honum var meinaður aðgangur að öllu sem hét yfirvinna, og yfir höfuð að vinna við eðlilegar aðstæður, á strípuðum launum hjá ríkisreknu apparati lifir ekki nokkur maður, hans skoðanir og rannsóknir hunsaðar og notaðar með
útúrsnúningum, sem skemmtiatriði gervivísindamanna. Með öðrum orðum, lagður í einelti útaf skoðunum sínum og rannsóknum. Er nema eðlilegt að menn með einhvern metnað, og eitt hafi löngum tíma og miklu fjármagni til menntunar, hrekist frá svona vanþroskuðum vinnustað. Það hafa fleiri góðir menn verið flæmdir frá þessari stofnun með svipuðum aðferðum. Það var beitt pólitískum þrýstingi við að bola honum frá sjómanablaðinu Víking á sínum tíma. Ástæðan, á þeim tíma
sem hann var þar, voru birtar greinar sem voru of óþægilega sannar fyrir
Hafró, sem sagt  Hafró vissi ekki sitt rjúkandi ráð, blóðrauðir í framan við að reyna að ljúga sig frá vitleysunni. þetta kannast náttúrulega enginn við, vegna þess að sumir eru
einfaldlega það heimskir, að halda því blákalt fram að spilling þrífist ekki í Íslenskri pólitík. Hvað þá heldur einelti innan veggja ríkisstofnanna. Sem reyndar nýlegar fréttir afsanna svo ekki 
verður um það deilt.
Fagleg stjórnun og vísindaleg ráðgjöf um fiskveiðar er eitthvað sem við búum ekki við á Íslandi, meðan engu var stjórnað voru hlutirnir í margfalt betri málum
heldur en þeir eru nokkurn tíman í dag, það vita allir sem eitthvað um þessi mál vita. En að sjálfsögðu samþykkir enginn það, meðan hægt er að braska með kvótann. En því miður eru til fullt að allskonar mönnum sem allt þykjast vita og geta í sambandi við sjávarútveginn, sem í raun vita ekki rassgat meira en tveggja ára gamalt barn á leikskóla.Og lesum við til dæmis greinar eðlisfræðinga og hagfræðinga
nánast vikulega í Mogganum þessum orðum mínum til stuðnings.

Kv. Halli

Athugasemdir

[Hafsteinn Viðar Ásgeirsson, 6.8.2007 kl. 11:11]

Það er mjög líklegt að þarna hafi Jón verið lagður í einelti, en umræðan um það var bara ekki til á þessum tíma. Í dag þykir mér sennilegt að eitthvað yrði um málið fjallað. En það eru mjög margir sammála þér um þetta álit á Jóni og t.a.m. þekki ég vel til umræðunnar í Færeyjum, hvar nánast allir sem ég þekki eða heyri í, eru á einu máli um ágæti hans sem vísindamanns. Það er aðeins hér á landi sem ég heyri af óánægju með hann í Færeyjum????

[Hallgrímur Guðmundsson, 6.8.2007 kl. 11:55]

Það er ömurlegt til að vita að þetta geti viðgengist. Og enn ótrúlegra er það þegar mönnum eins og Sigurgeir Jónssyni virðist vera huggun í því að bera út rógburð og ósannindi um Jón. Ég er einfaldlega þannig gerður að svona persónulegar árásir þoli ég ekki þegar þær eru byggðar á sandi. þegar ég veit hvernig málum var háttað get ég ekki annað en tjáð mig um málið.

kv. Halli