Glæsilegur blekkingarleikur!!!

 

Þetta er glæsilegur blekkingarleikur sem verið er að beita þá sem minni þorsk eiga en þeir sem meira hafa af þorski. Staðreyndir málsins eru þær að skerða á þorsk um 30%. Gott og vel þá skildi maður ætla að þorskkvótinn yrði skertur um 30% hjá öllum. En málið er ekki svo einfalt. Og vitna ég hér að neðan í frétt af því hvernig á að útfæra þetta.

"Skoðað verði hvernig unnt sé að láta skerðingu aflaheimilda vegna byggðakvóta, línuívilnunar og sérstakra bóta miðast við heildarþorskígildisfjölda einstakra skipa, þannig að skerðingin dreifist á fiskiskipaflotann miðað við heildarúthlutun aflaheimilda en bitni ekki að mestu á þeim útgerðum sem hafa hlutfallslega hæstar heimildir í þorski."

Gott og vel þetta er ekkert torskilið hvernig á að reikna þetta, og koma hér dæmi um það.

                                                      DÆMI 1.                                                                                                                                             

                             Aflasamsetning útgerðar NR 1 er svona.                                                                                                                       

        Þorskur:       50 tonn      =   50           þorskígildi.

               Ýsa:      50 tonn.     =   40,5        þorskígildi.

               Ufsi:     10 tonn      =     4,1        þorskígildi.

      Steinbítur:     20 tonn      =    14,2       þorskígildi

                                  Samtals:   108,8       þorskígildi.

                 Skerðing 30%       =  32,64  tonn af þorski.

     Þarna sjáum við óréttlætið, ef reiknað yrði rétt og

tekin 30%  af þorskkvótanum væri skerðingin einungis

15 tonn af þorski. Sem sagt þessi útgerð er rænd um

heil 17,64 tonn.  

Gefum okkur dæmi um aðra útgerð sem á nánast allan sinn kvóta í þorski.

                                                   Dæmi 2.

                 Þorskur:   100  tonn  =  100   þorskígildi.

                       Ýsa:     11  tonn  =   8,91 þorskígildi.

                               Samtals:  108,91      þorskígildi.

                    Skerðing 30%  =  32,67 tonn af þorski.

Þessi útgerð ætti að skerðast um 30 tonn, sem sagt tapar einungis 2,64 tonnum á þessari reiknisbrellu.

Síða getur hver sem vill, séð hvernig öfgarnar geta orðið margfalt meiri í þessari frábæru reikniskúnst.

Er ekki verið að skerða þorskkvótann? Hvað á það skylt við aðrar tegundir?

Þetta skildi þó ekki vera ástæðan fyrir því hvað það tók Einar K Guðfinnsson langan tíma að stynja út úr sér hver niðurskurðurinn yrði! Á Íslensku þíðir þetta bara eitt, Það tók sem sagt Líú þennan tíma að finna rétta reiknisaðferð til að hald áfram sínum áformum í því að söðla undir sig auðlindina.

kv.Halli

Athugasemdir

[Hafsteinn Viðar Ásgeirsson, 20.7.2007 kl. 21:26]

Hér útskýrirðu þetta svo vel, að hvert meðalfífl getur skilið og þetta er alveg gamanlaust reiknibull sem kemur mjög mismunandi niður.

[Hallgrímur Guðmundsson, 20.7.2007 kl. 23:47]

Það er eitt sem ég get engan vegin skilið Hafsteinn, það er hvað menn sem lítið eiga af þorski en eru þokkalega settir í öðrum tegundum eru pollrólegir. Eiginlega hefur maður það á tilfinningunni, að þeir vilji láta leiða sig mótþróalaust til slátrunar.

[Hafsteinn Viðar Ásgeirsson, 21.7.2007 kl. 18:37]

Já það er satt, þetta er náttúrulega ástæða þess að skerðingin kemur svona illa niður hér Sunnanlands, þar sem mestur kvótinn er í öðru en þorski.

Annars verður skerðingin örugglega mest þar sem ýsan er mest því það verða kannski 40% sem ekki verður hægt að ná vegna þess að það vantar þorskinn fyrir meðaflanum.

[Níels A. Ársælsson., 23.7.2007 kl. 14:43]

Það læðist að manni sá grunur að þetta sé allt gert í hefnd fyrir að þeir komu ekki eignarréttinum í gegn um stjórnarskrárbreytingu. Stúta þessu sí röflandi liði og allt lemmó á eftir.

[Hafsteinn Viðar Ásgeirsson, 23.7.2007 kl. 18:47]

Þannig er það Níels, Líú liðar hafa sagt að það þurfi að hefta framsalið líka og það styður þá skoðun að það eigi að slátra restinni af einstaklingsútgerðinni.