Ekki ríður vitleysan við !!!

einteyming. Hvernig í veröldinni getur einhverjum heilvita manni dottið í hug að svona vinnubrögð skili árangri. Að skipa Guðrúnu Marteinsdóttir til forustu í þessum starfshóp segir ekkert annað en að Einar K Guðfinnsson og Hafró vilja fá niðurstöður sem þeim hentar. Það liggur alveg ljóst fyrir að hún fer aldrei að setja út á nokkurn skapaðan hlut þarna, hún sjálf tók þátt í vitleysunni í tíu ár sem starfsmaður Hafró. Það er algjörlega á tæru að það er allt reynt til að verja vitleysurnar sem Hafró hefur gert og er enn að gera. Hvers vegna skyldi það ekki vera þorandi fyrir ráðherra að skipa  þennan hóp algjörlega óháðum og sjálfstætt starfandi fólki? Mitt svar er einfalt, sannleikurinn þolir ekki dagsljósið. Þetta er allt meira og minna eitt helvítis drulluplott, sem fellst aðallega í því að færa aflaheimildirnar meira og minn til einhverra örfárra gullkálfa sem eru rétt staðsettir í pólitík eða þóknanlegir stjórnarherrum þessa lands. Skyldu ekki vera farnar að renna tvær grímur í það minnsta á Einar K Guðfinnsson, þegar hann heyrir lítið annað en að Hafró sé gjörsamlega á villigötum, og veiðiráðgjöfin algjörlega úr takti við upplifun okkar skipstjóranna um ástandið á miðunum?

Þessi Hlekkur  er á frétt um þetta meðal annars.

kv. Halli

Athugasemdir

[Jóhann Elíasson, 15.7.2007 kl. 16:13]

Þetta er náttúrulega skandall og ekkert annað og sýnir bara að það er alls enginn vilji til að gera nokkrar breytinga, hvorki á kvótakerfinu né aðferðum HAFRÓ við "leikaraskapinn" (þessar rannsóknaraðferðir þeirra er bara hægt að kalla leikaraskap).

[Atli Hermannsson., 15.7.2007 kl. 23:38]

Ég er á því að það þurfi að auka fé til rannsókna...en þá aðeins til að rannsaka Hafró og þau ríkis-hjávísindi sem þar eru stunduð. Annað þarf ekki að rannsaka. Það eru til kjaftfullar tölvur af gögnum á Skúlagötunni, en þau eru því miður bara alltaf túlkuð samkvæmt "kóraninum".  

Þá er þetta nefndarkjaftæði alveg sér kapituli. Því það er hending ef einhver rambar í nefnd á vegum Hafró eða ráðuneytisins sem ætti að vera í henni. Líklega er það gert með ráðnum hug. Eftir kosningarnar fyrir fjórum árum var t.d. skipuð nefnd sem hét "nefnd um "líffræðilega fiskveiðistjórnun" Í henni var að mínu mati ekki nema einn maður "með viti" og hinir allir kosnir í annarlegum tilgangi eða af greiðasemi. Td. fiskvinnslukona af Akranesi sem unnið hafði gott starf fyrir "flokkinn". Hafi einhver heyrt af störfum nefndarinnar þá vinsamlega látið mig vita.

Þá er skipun Guðrúnar Marteins, jafn vitlaus og aðrar tilnefningar á undanförnum árum. Hvað ætli t.d. skordýrafræðingurinn Kristján Þórarinsson, hjá LÍÚ hafa verið í mörgum nefndum hjá Hafró? Hann þarf að vísu að hafa eitthvað að gera maðurinn... ekki getur hann ráfað um skrifstofuna alla daga. Þá er einnig fastur liður að skipa einn frá Fiskifélaginu og annan frá Farmanna- og Fiskimannasambandinu. 

Varðandi Guðrúnu Marteins, þá endurspeglast í henni sú regla hjá Hafró klíkunni, að aðeins skuli koma að málum  fræðingar sem lærðir eru af sömu bókunum, aðhyllast sömu kenningar og koma úr sama "klakinu".

[Hallgrímur Guðmundsson, 16.7.2007 kl. 02:57]

Þetta er svo andskoti rotið að manni er farið að detta til hugar að flytja til Rússlands, ég er samfærður að spilling og drulluplott  er einungis á byrjunarstigi þar miða við Ísland.