Gróf mismunun að mati !!!

Líú. Það sem Líú telur  mismunun má lesa um Hér . Það er ekki nóg að Líú telji þetta mismunun, heldur er haldið áfram og  Hér  má lesa það. Er ekki svolítið merkilegt hvernig þetta beinist beint að krókabátunum? Er það virkilega þannig að Líú reyni með markvissum hætti að telja þessum vesælu ráðamönnum trú um að krókabátarnir, séu rót alls vanda í besta fiskveiðistjórnunarkerfi í heimi?Líú telur að rétt sé að allur þorskafli sé vigtaður eftir slægingu því að einungis þannig fæst rétt vigt. Óbreytt fyrirkomulag felur í sér mismunun.Hvernig væri að Líú gerði grein fyrir því hvernig standi á því að nýtingarprósentan á frystitogurunum sé mun hærri en þekkist í landi? Hvernig væri að Líú gerði grein fyrir því að það þarf ekki að vigta aflann um borð og síðan inn í vinnsluna á frystitogurunum? Hvernig væri að Líú útskýrði fyrir okkur þessum litlu hvaða réttlæti það sé að skerða okkur meira í prósentum heldur en stóru gullkálfana innan Líú? Þegar Líú talar um mismunun væri þeim hollast að skoða eigin rassgat og hafa síðan vit á því að skammast sín.

Kv Halli.

Athugasemdir

[Guðrún María Óskarsdóttir., 12.7.2007 kl. 01:50]

Já tek sannarlega undir þetta , var einmitt að velta þessu fyrir mér í gærkveldi.

kv.gmaria.

[Jóhann Elíasson, 12.7.2007 kl. 14:27]

Ef LÍÚ vill láta taka sig alvarlega verða þeir að hætta að "ráðast" svona á smábátaútgerðina og hætta einnig að tala um að byggðakvóti, línuívilnun og allar aðgerðir aðrar, sem er farið útí til þess að styrkja sjávarbyggðir landsins, séu skerðingar á aðra kvótahafa (og þá sérstaklega meðlimi LÍÚ. Hvernig sem hægt er að fá það út).  Annars er nú nokkuð langt í að ég taki LÍÚ alvarlega.

[Sigurjón Þórðarson, 13.7.2007 kl. 02:34]

Þessi smásálarháttur LÍÚ kemur alltaf á óvart.  Ekki er litið á heildarmyndina heldur er verið að týna út eitt og annað smálegt sem sagt er að valdi mismunun og skekki einhverja mynd og ráðgjöf.  Í augum sumra hjá LÍÚ virðist vandinn vaxa eftir því sem bátar verða minni. 

 Það stæði LÍÚ nær að bæta það sem snýr í stærra mæli að þeirra félagsmönnum s.s. vigtun alls afla um borð i vinnsluskipum eins og Halli benti á. 

Ég hef miklar efasemdir um tilgang þessarar fiskatalningar og það sé miklu nær að auka frelsið í greininni og koma skipum í sem mestum mæli á sóknarmark en það myndi spara mörghundruð milljónir í eftirlitskostnað árlega.