Vanda sig við hvað??

Eftir að hafa horft á fréttir stöðvar 2 í kvöld og hlustað á Geir Haarde vakna spurningar  Hvað er það sem menn þurfa að vanda sig svona við? ER eitthvað svona svakalega vandasamt að segja, við veiðum 130.000 tonn af þorski eða 150.000 tonn? Eru menn eitthvað hræddir við að mismæla sig? Eða er Einar K hræddur við að segja óvart, Líú sagði mér að segja 155.000 tonn? Hvernig hefur Líú talað í gegnum árin? Dæmi: Við virðum niðurstöður Hafró og hljótum að taka tillit til þeirra, og fylgja þeim þar sem Líú er fylgjandi því að varlega verði farið. Sem sagt Líú er fylgjandi að um auðlindina skal ganga með nærfærni og hlusta á fiskifræðingana og virða og fylgja þeirra niðurstöðum.Hvernig er hljóðið í Líú núna? Jú leggja til 155-160.000 þúsund tonn, sem sagt hunsa niðurstöður Hafró. Þvílíkur tvískinnungur. Ég og fleiri sem sem gagnrýnt hafa Hafró og Líú erum til dæmis kallaðir, strigakjaftar og margt fleira af hagfræðingi Líú. Með sínum afskiptum og ráðleggingum opinberar Líú sig algjörlega, og ætti þessi uppnefni svo sem strigakjaftar best við þá sjálfa. Skylda stjórnvalda er, að fara eftir ráðgjöf Hafró í einu og öllu. Ef það er ekki gert er það hunsun og vantraust á stofnunina, sem þíðir bara eitt, taka verður kerfið í heild sinni og starfsaðferðir Hafró til gagngerra endurskorðunnar. Fullyrðingar ráðgjafa - um að ekki hafi verið farið eftir tillögum þeirra eru blekkingar og falsanir manna sem virðast ekki vita sitt rjúkandi ráð um hvernig þeir eigi nú að ljúga sig út úr vitleysunni. Frávik frá ráðgjöfinni er ekki nema 128 þúsund tonn  þessi 10 ár að meðaltali (1995-2005)- eða aðeins 5,57%  frávik árlega að meðaltaliþessi 10 ár - sem getur vart talist annað en innan skekkjumarka miðað við þá nákvæmni sem þessar mælingar byggja á. Einnig er það í stöðunni að halda áfram sömu vinnubrögðum og það sem við höfum gert síðastliðin 10 ár. Þá er dæmið svona með þorskinn: Ráðgjöfin er 130.000 tonn. Við gerum sama og gert hefur verið, förum 5.5% yfir ráðgjöf og veiðum liðlega 137.000 tonn. Þannig ættu margir að vera sáttir, Þó sérstaklega strigakjaftar Líú.