Hvern á að blekkja?

Hagfræðingur LÍÚ er ekki ánægður með Sturlu Böðvarsson.
MYND/Teitur

Vísir, 30. júní. 2007 14:56

­Hagfræðingur LÍÚ gagnrýnir Sturlu Böðvarsson

"Hagfræðingur LÍÚ, Sveinn Hjartarson, skýtur föstum skotum á Sturlu Böðvarsson, forseta Alþingis í pistli sem hann ritar í nýjasta tölublað Fiskifrétta. Hann gagnrýnir harðlega ræðu Sturlu á þjóðhátíðardaginn þar sem hann sagði að kvótakerfið hefði mistekist. Sveinn segir þá sem best til þekkja í sjávarútvegsmálum vera orðlausa yfir ræðu Sturlu og hann spyr hvernig Sturla hafi getað skipast í ríkisstjórn í fjöldamörg ár með þá skoðun að kvótakerfið væri ónothæft.

„Það er ekki ofsögum sagt að þeir sem undirritaður hefur hitt og hafa fylgjast með málefnum greinarinnar og þekkja til fiskveiðistjórnarkerfisins hafi hreinlega orðið orðlausir þegar þeir heyrðu ummæli forseta Alþingis. Sérstaklega í ljósi þess að hér var á ferðinni fyrrum ráðherra til margra ára og þingmaður úr mikilvægu sjávarútvegskjördæmi. Stjórnmálamaður sem hefur notið þess að geta verið í ríkisstjórn, sem hefur einbeitt sér að fjölmörgum framfaramálum m.a. vegna þeirra sóknarfæra sem öflugur sjávarútvegur hefur skapað þjóðarbúinu. Hvað hefur hann verið að hugsa öll árin í ríkisstjórn og á Alþingi? Sjálfur ráðherrann í frjálshyggju- og framfarastjórn Davíðs Oddssonar, hvernig hefur hann getað skipast þarna öll árin," spyr Sveinn meðal annars". Tilvitnun í greinina líkur. 

Maður spyr sig hverja hitti Sveinn?

Hvernig skyldi standa á því að Sturla er einn nafngreindur?

                               

                                      Hér er pistillinn í heild sinni úr Fiskifréttum.

Hvernig Sveinn reynir að verja þetta fiskveiðistjórnunarkerfi er aumkunarvert.

Athugasemdir

[Jóhann Elíasson, 30.6.2007 kl. 20:40]

Þetta er bara aumkunarverð lesning.  En maðurinn gæti kannski fengið launahækkun út á þetta kjaftæði.  Það sem mér þykir áhugaverðast er að hann kemur ekki með nein almennileg rök máli sínu til stuðnings (talar bara um karfaveiðar á Reykjaneshrygg) og hann minnist ekki á vel rökstudda gagnrýni Kristins Péturssonar á "kerfið".

[Hallgrímur Guðmundsson, 1.7.2007 kl. 02:39]

Það er einnig nokkuð svakalegt við þetta, það virðist fara alvarlega fyrir brjósti á honum að fólk hafi tækifæri til að tjá sig um hina ýmsu hluti í þessu þjóðfélagi. Það ætti einhver að segja þessum mannræfli það að málfrelsi er við líði á Íslandi. Ennþá að minnsta kosti.

[Hallgrímur Guðmundsson, 1.7.2007 kl. 02:41]

Mikið rétt hann kallar alla "STRIGAKJAFTA " það eitt segir meira en mörg orð.

[Jóhann Elíasson, 2.7.2007 kl. 13:05]

Í hans huga eu allir sem gagnrýna þetta "fína" kerfi "STRIGAKJAFTAR". Þetta segir meira um hann en þá sem eru "STRIGAKJAFTAR"

[Jóhann Elíasson, 2.7.2007 kl. 13:07]

Í hans huga eru allir sem gagnrýna þetta "fína" kerfi "STRIGAKJAFTAR". Þetta segir meira um hann en þá sem eru "STRIGAKJAFTAR".  En ég bara efast stórlega um að maðurinn kunni að skammast sín.