Meðvirkni Háskólanna

Guðrún Marteinsdóttir prófessor í fiskifræði við Líffræðistofnun Háskóla Íslands undirstrikar það sem ég hef áður sagt um meðvirkni Háskólanna á ruglinu sem frá Hafró kemur. Við skulum átta okkur á því að Guðrún var starfandi sem sérfræðingur á Hafró frá árinu 1991 til ársins 2001. Síðan þá hefur hún gengt þessari prófessorstöðu við Háskóla Íslands. Við lestur greinar í Fréttablaðinu í dag þar sem talað er við Guðrúnu undirstrikast vanhæfni Háskólanna. Eina sem skín í gegnum þetta viðtal eru góðar og ábyggilegar vinnuaðferðir Hafró. 
Þetta er magnaður andskoti, Guðrún kemur frá Hafró boðar og kennir við Háskólann þessa 
andskotans vitleysu sem viðhöfð er þar innandyra og leggur gríðarlegt lof á rallið meðal annars. Skyldu vera sérkennslutímar hjá henni sem fólgnir eru í heilaþvætti, þannig að 
boðskapsrugl Hafró fái byr undir báða vængi. Við sem við þetta störfum vitum að rallið er
handónýt aðferð við stofnmælingar.  Síðan kemur náttúrulega þessi venjulegi andskotans grátur um meira fjármagn til 
rannsóknarstarfa á þorski. Hefur Hafró ekki verið að gera tilraunir á þorski síðan 1983 með 
skelfilegum árangri. Við óbreyttar aðstæður hjá Hafró er engan veginn réttlætanlegt að 
moka meira fjármagni 
í þá stofnun. Ég styð meira fjármagn til rannsóknar á lífríkinu við Ísland en það verður skilyrðislaust að taka til innandyra hjá Hafró og breyta vinnuaðferðum áður en mokað verður meira fjármagni í þetta. Síðan kemur þessi venjulegi hræðsluáróður um hrun þorsksstofnsins við Nýfundnaland, það er löngu tímabært að þessir andskotans fræðingar leggi öll gögn á borðið um hvað gerðist þar. Það kemur engum til hugar að benda á breytingar á hitastigi sjávar og skorts á fæðu fyrir fiskinn. Gæti verið að stofninn hafi ekki hrunið? Einungis fært sig til vegna breyttra aðstæðna í hafinu, fiskurinn hefur SPORÐ, það vitum við þó svo það sé ekki til á glærunum hjá Hafró. Af hverju má ekki tala um nýlegar rannsóknir á Miklabanka þar sem í ljós kom gríðarlegt magn af vel höldnum og stórum þorski? Það á að þagga það niður einsog allt annað sem passar ekki inní stærðfræðivitleysur fræðinganna. Hvernig getur þessi þorskur verið til? Hvaðan kom hann?
Stofninn var hruninn ekki satt! Stærðfræðileg
fiskifræði getur alls ekki virkað hún einungis leggur allt í rúst. Samt halda fræðingarnir áfram að reikna og reikna og á endanum verður útkoman stórkostulegt umhverfisslys.