Svona sé ég hlutina

sun. 6.5.2007

Seinvirkt kerfi

Það er hreint út sagt svakalegt hvernig heilbrygðiskerfið virkar.Þannig er mál með vexti að ég
slasaði mig illa útá sjó fyrir einum og hálfum mánuði síðan og hef verið óvinnufær síðan.Allt gekk vel
ég var fluttur á milli landshluta í sjúkrabíl og drifinn í aðgerð sem tókst vel að sögn bæklunnar
læknisins sem aðgerðina gerði,og von er á góðum bata og er það vel.Ég er mjög vel tryggður og
var þar af leiðandi frekar rólegur gagnvart þeim málum.Ég fer og tilkynni slysið hjá mínu
tryggingarfélagi og til tryggingarstofnunar.En síðan byrjar vitleysan,að sjálfsögðu þarf að legga
fram læknis og áverkavottorð og þar stendur allt fast það vísar hver á annann og sumir eru
svo grófir að hreinlega kannast ekkert við málið og er ég að tala um þá lækna sem tóku við
mér úr sjúkrabílnum og einnig ritara bæklunnar læknisins sem aðgerðina gerði.Ég er búinn að
fara tvisvar í endurskoðun og láta taka úr mér saumana og þarf að mæta á þriggja vikna
fresti í skoðun til að fylgjast með ástandinu á mér.Einsog allir vita þá fæst ekki króna í
bætur fyrr en einhver vottorð liggja fyrir.Einhverra hluta vegna virðist það vera algjörlega
ófært þeim aðila sem á að skila af sér þessum vottorðum að koma þeim frá sér.Eðlilega
er ég orðinn frekar fúll yfir þessum seinagangi enda borga ég tugi þúsunda í tryggingar á
ári fyrir að hafa mín mál í góðu lagi.Það er eitt sem virkar með ofurhraði í þessu blessaða
kerfi,það er að gefa út reikninga sem ég þarf að borga.Það er næstum þannig að þegar ég
vaknaði eftir aðgerðina fékk ég reikning með mér heim svona í kveðjuskyni.Í dag eru málin
þannig að tryggingarstofnun er búinn að endursenda pappírana sem ég sendi í upphafi
og ef svo slysalega vildi til að einhver gæfi sér tíma og sendi mér vottorðin sem ég er að bíða
eftir þá má ég byrja allt ferlið uppá nýtt og er það skelfileg tilhugsun.

Flokkur: Bloggar | Facebook