Ég er með verk í (helgidómnum) eistunum.

Þegar maður les svona frétt þá fær maður verk í djásnin og þakkar guði fyrir að byssufiktið hefur til þessa aðallega slasaði og drepið fjölbreyttar tegundir fiðurfénaðs...

Við erum ekkert að monta okkur hér af nokkrum jólahestum (hreindýrum) enda á þeim tíma ekkert spurt um leyfi og leiðsögumenn, ég fann jólahestana sjálfur...

Þessi færsla verður ekki myndskreytt ef einhverjum hefur dottið það í hug...

Góða helgi.

Góðar stundir.

Skaut sig óvart í kynfærin

Hvað eiga þessir töffarar?

Skoðum lögin um stjórn fiskveiða.

I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

Ég samdi þetta ekki, þeir sömdu þetta ekki heldur.

Getur þetta verið eitthvað skýrara?

Þetta eru lög, lög ber að virða og ekkert helvítis kjaftæði.

Lög eru ekki sett bara svona upp á punt og bara fyrir suma.

Er eitthvað flókið að skilja það?

Hver ber ábyrgðina á því að leyfð var veðsetning og sturluð viðskipti á því sem þeir eiga ekkert í (fiskinum í sjónum) sameign íslensku þjóðarinnar?

Hver hefur gefið örfáum útvöldum leyfi til að ræna samborgara sína svívirðilega lífsviðurværi sínu?

Ég held að sumir ættu að þvo á sér talandann með grænsápu og skammast sín.

Góðar stundir.

„Eigandinn heldur áfram að borga“

Hvað dettur ykkur í hug?

Endilega lesið þetta og segið mér svo hvað ykkur finnst.

Ég á talsvert af lýsingarorðum sem ná vel yfir svona tilfelli, látum þau bíða að sinni.

Góðar stundir.

Var bara tímaspursmál

Er runnið af þér kúturinn minn?

Ef svo er þá væri ágætt að þú skoðaðir verk þinna manna síðustu tvo áratugi eða svo.

Ef þínir menn hefðu stjórnað af einhverju viti þá væri staðan kannski aðeins betri.

Hvern andskotann er ég að meina?

Sjá allt um það hér.

Góðar stundir.

Leitað á heimili Ólafs

Eignarhaldið á hreinu

og yfir því hvílir akkúrat engin leynd...

Þeir sem hafa áhuga á þessu máli geta kynnt sér allt kosti eigandans hér...

Ég er að sjálfsögðu að tala um eignarhaldið á mér sjálfum....

Góðar stundir.

Eignarhald 400 félaga óljóst

Það á ekki að gera neitt fyrir heimilin og

fyrirtækin í landinu.

Þing og ráðamönnum hefur á einhvern óskiljanlegan hátt verið hundleiðinlega tamt í kjölfar skipbrots Íslenska hagkerfisins að bera fyrir sig hin ýmsu orðatiltæki úr tungumáli þeirra sem ég kalla hetjur hafsins (sjómenn) Sumum af þessum orðatiltækjum tókst þeim að koma rétt frá sér öðrum ekki.

Ég þoli illa svona helvítis sýndarmennsku, það ískrar í eyrunum á mér þegar svona hvítbindisflibba slekti og stuttpilsadrósir misnotar okkar góðu orðatiltæki svona gróflega.

Ég vil koma með örlítið heilræði til stuttpilsadrósanna og hvítflibbana, farið að vinna vinnuna ykkar sem við réðum ykkur í.

Hvernig skildu hlutirnir svo koma til með að þróast?

Forsætisstýran Jóhanna Sig var með stórasannleik punktaðan niður á blaði í eftirminnilegri stefnuræðu sinni um ekki neitt á dögunum.

Hver samdi þetta rugl sem þaulæfð Jóhanna færið okkur landsmönnum í ræðu sinni? Var þessi setning villa á blaði Jóhönnu? “Við megum ekki láta hagsmuni fárra víkja fyrir hagsmunum margra,” sagði Jóhanna. Sjá svo nánar hér.

Ef ekki þá trúi ég því að annað hvort segi þaulæfð Jóhanna af sér snarlega eða þá prófarkalesarinn er nú þegar atvinnulaus.

Aftur að slagorðamisnotkun þing og ráðamanna, hvað á að kalla þaulæfðu Jóhönnu?

Skipsstýru um ekki neitt á skipi sem er ekki að fara neitt eða gera neitt.

Á mínu tungumáli kallast dallur af þessari tegund með svona skipstjóra (stýru) reiðuleysisdolla sem ber umsvifalaust að skipta um skipsstjóra, stýru á eða sökkva áður en herlegheitin valda meira tjóni en orðið er.

Góðar stundir.

Tveir vildu lækka vexti meira

Ég sagði það

Aðeins tveir kostir voru í stöðunni sjá hér.

Góðar stundir.

Hættur í hungurverkfalli

Minn tími mun koma

Og ég meina það.

Góðar stundir.

Leiði mótun sjávarútvegsstefnu

Náttsloppur, heimasætan og Evróvisjón

Það er ekki ofsagt að vikan hafi verið erilsöm.

Tíminn hefur bókstaflega þotið áfram, vikan að klárast og vinnutíminn margfaldur á við það sem mörgum þykir alltof mikið.

Hver nennir að spá í svoleiðis aukaatriði ef maður er að gera það sem manni þykir skemmtilegt og gefandi?

Eftir bloggarahittinginn var gengið frá í búðinni fyrir helgina og stefnan tekin þráðbeint heim í hreiðrið.

Já ég segi þráðbeint, enginn aukarúntur út á Dalvík, til Húsavíkur eða Kópasker eftir hráefni eins og stundum hefur verið gert í lok vinnudags...

Náttsloppurinn var rifinn af snaganum og reimaður utan um hálfgerðan horgemling, það má kalla mig það þessa dagana enda gæti hvaða vaxtarræktar helíumblaðra verið stolt af því að losna við á annan tug kílóa á rúmum mánuði...

Sófinn var fáránlega heillandi og með stórsteik að hætti betri helmingsins á diski var stefnan sett á hann og stillt upp fyrir Evróvisjón...

Hver kláraði matinn er mér enn hulin ráðgáta (hef samt hundastóðið grunað) þegar líf færðist í horgemlinginn aftur lá þetta fyrir, Ísland landaði 2. sætinu...

Sannarlega glæsilegt, mitt hlutskipti var að horfa á endursýninguna í sjónvarpinu að keppni lokinni...

Að lokum þá smelli ég með einni mynda af heimasætunni, í þessu hreiðri telst þetta eðlilegt...

Útsofinn og nýr dagur að hefjast, ég finn mér eitthvað að dunda við á meðan restin af fjölskyldunni fær sér næturblund...

Góðar stundir.

Ísland í 2. sæti í Moskvu

Stemmari í blíðunni á Akureyris

Það er ekkert ofsagt að það sé blíða á Akureyris, öll orð innfæddra um einmuna veðurblíðu á svæðinu standa 300% undir nafni þessa dagana.

Það er stundum sagt að innfæddir eigi það til að poppa aðeins upp raunveruleikann þegar þeir ná sér á flug í lýsingunum á veðurfarslegum yfirburðum Akureyrar á norðurslóðum.

Stundum dettur mann hreinlega til hugar að Akureyri City tilheyri einhverju allt öðru landi sem statt er talsvert sunnar en það land sem Akureyri City tilheyrir þegar innfæddum tekst hvað best til við að dásama herlegheitin.

Jafnvel þó maður standi með 45 gráðu halla upp í vindinn, trampólín og ýmislegt annað smádót þeytist framhjá á ljóshraða fipast innfæddum ekki orðaflaumurinn um herlegheitin.

Ekki trúi ég því að þeir sem ná hvað hæsta flugi í lýsingunum séu allir náskyldir orðavaðals hananum Össuri Skarphéðinssyni. Nahhhh sennilega nota þeir hann sem fyrirmynd og halda bara að það sé svo flott.

Hvað um það, í dag er blíða og orðaflaumurinn um herlegheitin standa fyrir sínu.

Fólkið er greinilega í sumarskapi, Humar og annað lostæti á grillið mokast út, verði ykkur að góðu og kveikið ekki í neinu.....

Ég útskýri þetta með íkveikjuna seinna...

Ég er farinn á bloggarahitting kl. 4 á Kaffi Karólínu eða um leið og ég loka fiskbúðinni.

Megið þið eiga góða helgi.

Góðar stundir.

Stemmning í blíðunni