Ríkisstjórnina burt og hennar náhjörð

Ég styð friðsamleg mótmæli, flott að hafa hávaða með trumbuslætti og flautum en sleppum ofbeldinu.

Ríkisstjórnina burt og alla hennar náhjörð, það er nóg komið af spillingu í þessu þjóðfélagi.

Ég vil nota tækifærið og biðjast velvirðinga á síðustu færslu sem hefur verið fjarlægð, svolítið brútal og kannski ekki alveg við hæfi nema þá kannski einna helst fyrir harðsvíruðustu sjóara....

Góðar stundir.

Hænuskref í rétta átt

Athugasemdir

[Þórbergur Torfason, 24.1.2009 kl. 02:45]

Ég er búinn að fá nóg af trumbuslætti í bili Halli. Við Raggi Meisa ásamt fleirum vorum að spila á þorrablóti aldraðra Hornfirðinga á Hótel Höfn í kvöld.

En ég styð líka friðsamleg mótmæli. Kannske verð ég orðinn móttækilegur fyrir trumbuslætti í fyrramálið.

[Hallgrímur Guðmundsson, 24.1.2009 kl. 02:48]

Sæll Beggi við skulum vona að þetta hljómi ekki austur í sveitir, þótt þeir séu öflugir þarna fyrir sunnan þá eru þeir ekki alveg svona kraftmiklir.

[Þórbergur Torfason, 24.1.2009 kl. 02:49]

Á hverju á Hörður að biðjast afsökunar? Hvað var svona voðalegt? Er ekki nær að einhverjir aðrir knékrjúpi frammi fyrir þjóðinni en hann. Hverslags hræsni er eiginlega í gangi.

[Hallgrímur Guðmundsson, 24.1.2009 kl. 02:53]

Takk fyrir það Arnar, sitt sýnist hverjum um marga hluti sem betur fer. Það er betra að viðurkenna smá frumhlaup en standa í einhverju dauðans þrasi um hluti sem skipta akkúrat engu máli. Ég er sammála Hörður mætti biðjast afsökunar hann yrði maður að meiri fyrir vikið.

[Hallgrímur Guðmundsson, 24.1.2009 kl. 02:59]

Beggi það voru fleiri viðtöl tekin í dag en þetta sem spilað er við fréttina. Sumt var ekki heppilegt sem sagt var þar.

[Þórbergur Torfason, 24.1.2009 kl. 03:01]

Ok lagði mig ekki eftir að hlusta en hræsni er þetta nú samt miðað við það eina sem ég heyrði á rás 2.

[Þórbergur Torfason, 24.1.2009 kl. 03:02]

En Halli helvítis trumbuslátturinn er í öllum fréttatímum og ég sem ekki má missa af neinum fréttum.

[Hallgrímur Guðmundsson, 24.1.2009 kl. 03:06]

En hitt er svo annað mál að þeir eru helvíti margir sem mega knékrjúpa fyrir þjóðinni og biðjast afsökunar úr því dreg ég alls ekki.

Beggi Þessi hávaði er að svínvirka því verður ekki neitað og fyrir það á þetta fólk mikinn heiður skilið. er ekki nóg að hlusta á fréttirnar í vor?....

[Þórbergur Torfason, 24.1.2009 kl. 03:27]

Nei væntanlega ekki. Nema heldurðu ekki að helvítin hafi sem fyrsta kost, að kjósa 9. maí. Þá ætlaði ég að vera á Vellinum, taktu eftir með stórum staf, með strákana mína. Af fjárhagsástæðum hætti ´g við að bjóða dætrunum með, það fannst ekki nógu stór flugvél.

Ég styð auðvitað Steingrím í því að heimta kosningar vel fyrir páska svo hægt sé að ferma í friði.