Þá hefst slagurinn gott fólk.

 

Framtíð - samtök sjálfstæðra í sjávarútvegi (FSSS) var stofnað sunnudaginn 17. febrúar á Hótel Kea Akureyri.

 

Stjórn samtakanna skipa.

Hallgrímur Guðmundsson Formaður. Akureyri

        Gísli Guðjón Ólafsson Varaformaður. Reykjanesbær

Huld S. Ringsted Gjaldkeri Akureyri

Emil Thorarensen. Eskifirði

Jóhann Kristjánsson. Bolungarvík

 

Varamenn í stjórn.

Sigurjón Herbertsson. Dalvík

Páll Guðmundur Ásgeirsson. Bolungarvík

 

Tilgangur félagsins er

a)     að vinna að sameiginlegum hagsmuna málum félagsmanna á öllum sviðum.

b)    að tryggja að að eðlilegar samkeppni- og jafnræðisreglur séu virtar í sjósókn á Íslandi.

c)     að mannréttindi  skv. stjórnarskrá  Íslands og rétturinn til að veiða séu virt í hvívetna.

d)    að vinna ötullega að víðsýnni og opinni umræðu um breytta og árangursríka fiskveiðistjórn.

e)     að vera málsvari félagsmanna gagnvart stjórnvöldum og stjórnvaldsaðgerðum er lúta að sjósókn og fiskveiðum, m.a. semja umsagnir um lagafrumvörp og skipa fulltrúa í nefndir og ráð sem fjalla um hagsmuni félagsmanna.

 

Það er mikil þörf á að stofna félagið þar sem starfandi hagsmunasamtök þjóna einungis afar þröngum hópi.Almenningi er gjörsamlega misboðið braskið og hvernig kvótakerfið hefur leikið byggðir landsins og sært réttlætiskennd þjóðarinnar. Það er ljóst að framundan þarf að fara í umfangsmiklar breytingar á kvótakerfinu eftir að álit mannréttindanefndar Sameinuðu þjóðanna kom fram og félagið mun beita sér fyrir að réttlátar og sanngjarnar breytingar nái fram að ganga.

Góðar stundir.

Athugasemdir

[Jóhann Elíasson, 17.2.2008 kl. 22:37]

Til hamingju Halli og megi allar góðar vættir fylgja nýju félagi og störfum þess!

[Árni Gunnarsson, 17.2.2008 kl. 22:46]

Til hamingju og góða ferð !

[Guðrún María Óskarsdóttir., 17.2.2008 kl. 23:36]

Húrra, húrra, til hamingju.

kv.gmaria.

[Kristján H Theódórsson, 17.2.2008 kl. 23:38]

Til hamingju og látið ekki deigan síga í baráttu fyrir mannréttindum.

[Hallgrímur Guðmundsson, 18.2.2008 kl. 00:01]

Ég þakka fyrir mig. Í augnablikinu er svona eins og spennufall, en það verður ekki lengi. Á morgun byrjar svo fjörið, skrá félagið og svo framvegis. Það líða ekki margir dagar þangað til að menn verða farnir að sjá í alvöru hvað þessi samtök standa fyrir.

[Hafsteinn Viðar Ásgeirsson, 18.2.2008 kl. 00:15]

Til hamingju með þetta skref, næg eru verkefnin og risastór mörg hver . Gangi ykkur allt í haginn.

[Guðrún Emilía Guðnadóttir, 18.2.2008 kl. 13:53]

Til hamingju Hallgrímur, Huld og félagar og megi ykkur ætíð farnast vel
og gefist aldrei upp.
                                    Kveðja Milla.
                                    Á Húsavík.

[Ásthildur Cesil Þórðardóttir, 18.2.2008 kl. 15:58]

Það var löngu mál til komið.  Sannarlega gleðilegar fréttir.

[Hallgrímur Guðmundsson, 18.2.2008 kl. 16:12]

Takk fyrir stuðninginn og hlý orð. Þessi samtök koma til með að berjast fyrir rétti okkar sem er að nýta auðlindirnar sem eru við bæjardyrnar hjá okkur.

Allar skoðanakannanir benda til þess að um 80% þjóðarinnar er á móti kvótakerfinu, gott fólk nú er tækifærið að láta til sín taka. Ég skora á almenning í landinu að ganga til liðs við okkur sem stuðningsfélagar, látum raddirnar heyrast við látum ekki bjóða okkur þetta óréttlæti lengur.

Þeir sem vilja gerast stuðningsfélagar geta sent mér upplýsinga um sig á póstfangið mitt sem er auglýst undir höfundaupplýsingunum um mig efst á síðunni. 

Góðar stundir.

Halli. 

[Gunnar Helgi Eysteinsson, 18.2.2008 kl. 17:59]

Frábært framtak... til hamingju.

[Sigmar Þór Sveinbjörnsson, 18.2.2008 kl. 22:56]

Heill og sæll Hallgrímur og til hamingu með þetta framtak, nú er lag að laga mannréttindin á Íslandi og ég veit að þið eigið eftir að standa ykkur vel í því. Við vitum líka að það verður reynt að gera ykkur tortryggna og gera ykkur lífið leitt, við þekkjum vinnubrögð þeirra sem reyna að verja kerfið. En það er hárrétt hjá þér að 80 % landsmanna er á móti þessu ruglkerfi og það fólk hlýtur að standa með ykkur.

kær kveðja

[Sigurður Þórðarson, 21.2.2008 kl. 20:49]

Mínar ALLRA bestu árnaðaróskir!  Megi ykkur ganga vel sjálfurm ykkur og framtíðarkynslóðunum til heilla.

[Gunnar Skúli Ármannsson, 21.2.2008 kl. 21:58]

Gott framtak og til hamingju. Gangi ykkur allt í haginn. Ég mun fylgjast með hvernig gengur og reyna að verða að gagni.

[Halla Rut , 22.2.2008 kl. 00:22]

Þið eigið allan minn stuðning og er ég til í að mæta allstaðar sem að ykkur er vegið.

Þetta er bara byrjunin. Jafnræði skal gilda fyrir alla Íslendinga allstaðar.